ಅಪರೂಪಕ್ಕೆ ಆಕರ್ಷಕ ಸ್ಮಾರ್ಟ್ಫೋನ್ಗಳನ್ನು ಬಿಡುಗಡೆ ಮಾಡುವ ಪ್ರಸಿದ್ಧ ಪೋಕೋ ಸಂಸ್ಥೆ ಇದೀಗ ದೇಶದಲ್ಲಿ ತನ್ನ ಹೊಸ ಪೋಕೋ F6 5G (Poco F6 5G) ಫೋನನ್ನು ಅನಾವರಣ ಮಾಡಿದೆ.
ಈ ಪೋಕೋ F ಸರಣಿಯ ಫೋನ್ ಕ್ವಾಲ್ಕಂನ ಹೊಸ ಸ್ನಾಪ್ಡ್ರಾಗನ್ 8s Gen 3 SoC ನೊಂದಿಗೆ ಬರುತ್ತದೆ. ಭಾರತದಲ್ಲಿ ಈ 4nm ಆಕ್ಟಾ-ಕೋರ್ ಚಿಪ್‌ಸೆಟ್‌ನಿಂದ ಚಾಲಿತವಾಗಿರುವ ಮೊದಲ ಫೋನ್ ಇದಾಗಿದೆ. ಜೊತೆಗೆ 90W ವೈರ್ಡ್ ಫಾಸ್ಟ್ ಚಾರ್ಜಿಂಗ್‌ ಬೆಂಬಲದೊಂದಿಗೆ 5,000mAh ಬ್ಯಾಟರಿಯನ್ನು ಹೊಂದಿದೆ.
ಈ ಪೋಕೋ F6 5G ನ ಬೆಲೆ ಬೇಸ್ 8GB RAM + 256GB ಸ್ಟೋರೇಜ್ ರೂಪಾಂತರಕ್ಕೆ 29,999 ಇದೆ. ಅಂತೆಯೆ ಇದು 12GB RAM + 256GB, 12GB + 512GB ಆವೃತ್ತಿಗಳಲ್ಲೂ ಲಭ್ಯವಿದ್ದು ಇದರ ಬೆಲೆ ಕ್ರಮವಾಗಿ 31,999 ಮತ್ತು 33,999 ಆಗಿದೆ. ಇದು ಕಪ್ಪು ಮತ್ತು ಟೈಟಾನಿಯಂ ಬಣ್ಣಗಳಲ್ಲಿ ಲಭ್ಯವಿದೆ. ಮೇ 29 ರಿಂದ ಫ್ಲಿಪ್‌ಕಾರ್ಟ್ ಮೂಲಕ ಮಾರಾಟವಾಗಲಿದೆ.
ಡ್ಯುಯಲ್ ಸಿಮ್ (ನ್ಯಾನೋ) ಪೋಕೋ F6 5G ಆಂಡ್ರಾಯ್ಡ್ 14 ಆಧಾರಿತ HyperOS ಇಂಟರ್ಫೇಸ್‌ನಲ್ಲಿ ಕಾರ್ಯನಿರ್ವಹಿಸುತ್ತದೆ. ಪೋಕೋ ಮೂರು ಪ್ರಮುಖ ಆಂಡ್ರಾಯ್ಡ್ ನವೀಕರಣಗಳು ಮತ್ತು ಫೋನ್‌ಗೆ ನಾಲ್ಕು ವರ್ಷಗಳ ಭದ್ರತಾ ಪ್ಯಾಚ್‌ಗಳ ಭರವಸೆ ನೀಡುತ್ತದೆ. ಇದು 6.67-ಇಂಚಿನ 1.5K (1,220×2,712 ಪಿಕ್ಸೆಲ್‌ಗಳು) ರೆಸಲ್ಯೂಶನ್ AMOLED ಡಿಸ್ಪ್ಲೇ ಜೊತೆಗೆ 120Hz ರಿಫ್ರೆಶ್ ದರ ಮತ್ತು 446 ppi ಪಿಕ್ಸೆಲ್ ಸಾಂದ್ರತೆಯನ್ನು ಹೊಂದಿದೆ.
ಆಪ್ಟಿಕಲ್ ಇಮೇಜ್ ಸ್ಟೆಬಿಲೈಸೇಶನ್ (OIS), ಎಲೆಕ್ಟ್ರಾನಿಕ್ ಇಮೇಜ್ ಸ್ಟೆಬಿಲೈಸೇಶನ್ (EIS), ಮತ್ತು f/1.59 ಅಪರ್ಚರ್‌ಗೆ ಬೆಂಬಲದೊಂದಿಗೆ 50-ಮೆಗಾಪಿಕ್ಸೆಲ್ನ ಸೋನಿ IMX882 ಕ್ಯಾಮೆರಾ ಹೊಂದಿದೆ.
ಪೋಕೋ F6 5G ಫೋನ್ 90W ವೇಗದ ಚಾರ್ಜಿಂಗ್‌ ಬೆಂಬಲದೊಂದಿಗೆ 5,000mAh ಬ್ಯಾಟರಿಯನ್ನು ಪ್ಯಾಕ್ ಮಾಡಿದೆ. ಬ್ರ್ಯಾಂಡ್ ಬಾಕ್ಸ್‌ನಲ್ಲಿ 120W ಅಡಾಪ್ಟರ್ ನೀಡಲಾಗಿದೆ. ಕನೆಕ್ಟಿವಿಟಿ ಆಯ್ಕೆಗಳಲ್ಲಿ 5G, Wi-Fi 6, ಬ್ಲೂಟೂತ್ 5.4, GPS/AGPS, ಗೆಲಿಲಿಯೋ, ಗ್ಲೋನಾಸ್, ಬೀಡೌ ಮತ್ತು USB ಟೈಪ್-ಸಿ ಪೋರ್ಟ್ ಸೇರಿವೆ.
