ಗಾಜಾ ಪಟ್ಟಿ: ಹಮಾಸ್ ದಾಳಿಗೆ ಪ್ರತೀಕಾರವಾಗಿ ಇಸ್ರೇಲ್ ಗಾಜಾ ಪಟ್ಟಿಯಾದ್ಯಂತ ಗಾಳಿ, ಸಮುದ್ರ ಮತ್ತು ಭೂಮಿ ಭಾಗದಿಂದ ದಾಳಿ ಆರಂಭಿಸಿದೆ. ಗಾಜಾಪಟ್ಟಿಯ ಕರಾವಳಿ ಎನ್‌ಕ್ಲೇವ್‌ನಲ್ಲಿ ಸಾವಿನ ಸಂಖ್ಯೆ 1,200 ಕ್ಕೇ ಏರಿದೆ. ಗಾಯಗೊಂಡವರ ಸಂಖ್ಯೆ 338,934 ಕ್ಕೆ ಏರಿದೆ ಎಂದು ಅಧಿಕಾರಿಗಳು ಹೇಳಿದ್ದಾರೆ.
ಉಪ ಆರೋಗ್ಯ ಸಚಿವ ಯೂಸೆಫ್ ಅಬು ಅಲ್-ರಿಶ್, ಹಮಾಸ್ ನಿಯಂತ್ರಿತ ಎನ್‌ಕ್ಲೇವ್‌ನಲ್ಲಿರುವ ಎಲ್ಲಾ ಆಸ್ಪತ್ರೆಯ ಹಾಸಿಗೆಗಳು ರೋಗಿಗಳಿಂದ ಭರ್ತಿಯಾಗಿವೆ ಎಂದು ಹೇಳಿದ್ದಾರೆ ಎಂದು ಕ್ಸಿನ್ಹುವಾ ಸುದ್ದಿ ಸಂಸ್ಥೆ ವರದಿ ಮಾಡಿದೆ.
ವಿದ್ಯುತ್‌ ಕಡಿತಗೊಂಡಿರುವ ಕಾರಣ ಜನರಿಗೆ ತುರ್ತು ಆರೋಗ್ಯ ಸೇವೆ ನೀಡಲು ಜನರೇಟರ್‌ ಮೂಲದಿಂದ ಕರೆಂಟ್‌ ಪಡೆಯಲಾಗುತ್ತಿದೆ ಎಂದು ಅಧಿಕಾರಿಗಳು ಹೇಳಿದ್ದಾರೆ.
“ಗಾಜಾದ ಜನಸಂಖ್ಯೆಯ 600,000 ಮಂದಿ ನೀರಿಲ್ಲದೆ ಪರದಾಡುವಂತಾಗಿದೆ. ಆಸ್ಪತ್ರೆಗಳಲ್ಲಿಯೂ ನೀರಿಲ್ಲದ ಸ್ಥಿತಿ ಇದೆ ಎಂದು ಹೇಳಿದ್ದಾರೆ. ಗಾಜಾ ಉತ್ತರದಲ್ಲಿರುವ ಅಲ್ ಕರಾಮಾ, ಅಲ್ ರಿಮಲ್ ಮತ್ತು ಗಾಜಾ ನಗರದ ಅಲ್ ನಾಸರ್ ಸೇರಿದಂತೆ ಹಲವು ಪ್ರದೇಶಗಳು ವಸತಿ ಪ್ರದೇಶಗಳಲ್ಲಿ ದಾಳಿಗೆ ಗುರಿಯಾಗಿವೆ.
