ಇಸ್ರೇಲ್: ಇಸ್ರೇಲ್ ಮೇಲೆ ಹಮಾಸ್ ದಾಳಿಯಲ್ಲಿ ಈ ವರೆಗೂ 300ಕ್ಕೂ ಹೆಚ್ಚು ಮಂದಿ ಸಾವನ್ನಪ್ಪಿದ್ದು, ಇಸ್ರೇಲಿ ಮಹಿಳೆಯರನ್ನು ಹತ್ಯೆ ಮಾಡಿ ಅವರ ನಗ್ನ ದೇಹಗಳನ್ನು ಹಮಾಸ್ ಮೆರವಣಿಗೆ ಮಾಡುತ್ತಿರುವ ದೃಶ್ಯಗಳು ವೈರಲ್ ಆಗತೊಡಗಿದ್ದು, ಹಮಾಸ್ ದಾಳಿಗೆ ಜಾಗತಿಕವಾಗಿ ಖಂಡನೆ ವ್ಯಕ್ತವಾಗಿದೆ. 5-10 ನಿಮಿಷಗಳಲ್ಲೆ ಗಾಜಾದಿಂದ ಬರೊಬ್ಬರಿ 5 ಸಾವಿರ ರಾಕೆಟ್ಗಳು ಹಾರಿದ್ದು,. ಹೀಗೆ ಆಗಸದಲ್ಲಿ ತೂರಿಬಂದ ಈ ರಾಕೆಟ್ಗಳು ಇಸ್ರೇಲ್-ಪ್ಯಾಲೆಸ್ತೈನ್ ಮಧ್ಯೆ ರಣ ಭೀಕರ ಕಾಳಗಕ್ಕೆ ಮುನ್ನುಡಿ ಬರೆದಿದೆ.
ಇನ್ನು ಇಸ್ರೇಲ್ ವಿಶ್ವವಿದ್ಯಾಲಯದಲ್ಲಿ ಅಧ್ಯಯನ ಮಾಡುತ್ತಿದ್ದ ವಿದ್ಯಾರ್ಥಿಗಳ ಪೈಕಿ ಕನಿಷ್ಠ 17 ಮಂದಿ ನೇಪಾಳ ವಿದ್ಯಾರ್ಥಿಗಳು ಹಮಾಸ್ ಸೆರೆಗೆ ಸಿಲುಕಿದ್ದಾರೆ. ಅಲ್ಲದೆ 6000 ಕ್ಕೂ ಹೆಚ್ಚು ಕೇರಳಿಗರು ಇಸ್ರೇಲ್ ನಲ್ಲಿ ವಾಸವಾಗಿದ್ದು, ಸದ್ಯ ಬಂಕರ್ ಗಳಲ್ಲಿ ಆಶ್ರಯ ಪಡೆಯುತ್ತಿದ್ದಾರೆ.
ಇಸ್ರೇಲ್ ನಲ್ಲಿ ಮೇಘಾಲಯದ 27 ಜನ ಸಿಲುಕಿದ್ದು, ಅವರನ್ನು ರಕ್ಷಿಸಲು ಮೇಘಾಲಯ ಮುಖ್ಯಮಂತ್ರಿ ಕಾನ್ರಾಡ್ ಕೆ ಸಂಗ್ಮಾ ಅವರು ಶನಿವಾರ ವಿದೇಶಾಂಗ ವ್ಯವಹಾರಗಳ ಸಚಿವಾಲಯದ ಸಹಾಯ ಕೋರಿದ್ದಾರೆ. ಮೇಘಾಲಯದ ಜನರನ್ನು ಮರಳಿ ರಾಜ್ಯಕ್ಕೆ ಕರೆತರಲು ವಿದೇಶಾಂಗ ವ್ಯವಹಾರಗಳ ಸಚಿವಾಲಯದೊಂದಿಗೆ ನಿರಂತರ ಸಂಪರ್ಕದಲ್ಲಿದ್ದೇನೆ ಎಂದು ಸಂಗ್ಮಾ ಅವರು ತಿಳಿಸಿದ್ದಾರೆ.