ಅಮೇರಿಕಾದ ಖ್ಯಾತ ಗಾಯಕಿ, ರ್ಯಾಪರ್‌, ಮತ್ತು ಮಾಡೆಲ್ ಆಗಿರುವ ನಿಕ್ಕಿ ಮಿನಾಜ್ ಅನ್ನು ನೆದರ್ಲ್ಯಾಂಡ್ ಪೊಲೀಸರು ಬಂಧಿಸಿದ್ದಾರೆ. ನಿಕಿ ಮಿನಾಜ್ ನಿಷೇಧಿತ ಮಾದಕ ವಸ್ತುವನ್ನು ತಮ್ಮ ಬಳಿ ಹೊಂದಿದ್ದಾರೆಂಬ ಆರೋಪದಲ್ಲಿ ಅವರನ್ನು ಬಂಧಿಸಲಾಗಿದೆ.ಆಮ್ಸ್ಟರ್ಡ್ಯಾಮ್ ವಿಮಾನ ನಿಲ್ದಾಣದಲ್ಲಿ ಈ ಘಟನೆ ನಡೆದಿದ್ದು, ನಿಕ್ಕಿ ಮಿನಾಜ್ ಅನ್ನು ಪೊಲೀಸರು ಇನ್ನೂ ವಿಚಾರಣೆಯಲ್ಲಿಟ್ಟಿದ್ದಾರೆ ಎನ್ನಲಾಗುತ್ತಿದೆ.
ಇಂಗ್ಲೆಂಡ್ನ ಮ್ಯಾಂಚೆಸ್ಟರ್ಗೆ ವಿಮಾನ ಹತ್ತಲು ಏರ್ಪೋರ್ಟ್ಗೆ ಬಂದ ನಿಕ್ಕಿ ಮಿನಾಜ್ರನ್ನು ತಪಾಸಣೆಗೆ ಒಳಪಡಿಸಿದಾಗ ಅವರ ಬ್ಯಾಗ್ನಲ್ಲಿ ಕೆಲವು ‘ಸಾಫ್ಟ್ ಡ್ರಗ್ಸ್’ ಪತ್ತೆಯಾಗಿವೆ. ಆ ವಸ್ತುಗಳು ನೆದರ್ಲ್ಯಾಂಡ್ಸ್ನಲ್ಲಿ ನಿಷೇಧಿತವಾಗಿವೆ. ಪೊಲೀಸರು ನಿಕ್ಕಿ ಮಿನಾಜ್ರನ್ನು ತಪಾಸಣೆ ಒಳಪಡಿಸಿದಾಗಲೇ ಅವರು ಮೊಬೈಲ್ ಮೂಲಕ ಲೈವ್ ವಿಡಿಯೋ ಘಟನೆಯನ್ನು ಚಿತ್ರೀಕರಣ ಮಾಡಿದ್ದಾರೆ.
Ad
