ಲಖನೌ: ಮ್ಯಾಗಿಯಲ್ಲಿ ಕಲುಷಿತ ಅಂಶ ಇರುವುದು ಪ್ರಯೋಗಾಲಯದಲ್ಲಿ ಪತ್ತೆಯಾಗಿರುವ ಹಿನ್ನೆಲೆಯಲ್ಲಿ ಉತ್ತರ ಪ್ರದೇಶದ ಷಹಜಹಾನ್ ಪುರ ಜಿಲ್ಲಾಡಳಿತ ನೆಸ್ಲೆ ಇಂಡಿಯಾ ಕಂಪನಿಗೆ 45 ಲಕ್ಷ ರೂ. ದಂಡ ವಿಧಿಸಿದೆ.
ಮ್ಯಾಗಿಯ ಮಾದರಿಗಳನ್ನು ಜಿಲ್ಲಾಡಳಿತವು ಪ್ರಯೋಗಾಲಯಕ್ಕೆ ಕಳುಹಿಸಿತ್ತು. ಆದರೆ ಇದರಲ್ಲಿ ಕಲುಷಿತ ಅಂಶ ಕಂಡುಬಂದಿರುವ ಹಿನ್ನೆಲೆಯಲ್ಲಿ ಮೂವರು ಮಾರಾಟ ವಿತರಕರಿಗೆ 17 ಲಕ್ಷ ದಂಡ ಮತ್ತು ನೆಸ್ಲೆ ಇಂಡಿಯಾ ಕಂಪೆನಿಗೆ 45 ಲಕ್ಷ ರೂ. ದಂಡ ಹೇರಲಾಗಿದೆ.
ಹಿಂದೊಮ್ಮೆ ಮ್ಯಾಗಿಯಲ್ಲಿ ಕಲುಷಿತ ಅಂಶಗಳು ಕಂಡುಬಂದ ಹಿನ್ನೆಲೆಯಲ್ಲಿ ನಿಷೇಧ ಹೇರಲಾಗಿತ್ತು. ಆದರೆ ಮ್ಯಾಗಿ ಉತ್ಪನ್ನದಲ್ಲಿ ಬದಲಾವಣೆ ಮಾಡಿಕೊಂಡಿತ್ತು. ಈಗ ಮತ್ತೆ ಕಲುಷಿತ ಅಂಶ ಕಂಡುಬಂದಿರುವುದು ಜನರಲ್ಲಿ ಆತಂಕ ಮೂಡಿಸಿದೆ.