ತಾಲಿಬಾನಿಗಳ ವಿರುದ್ದ ನಿಂತ ಸಲಿಮಾ ಮಜಾರಿ
ಕಾಬೂಲ್, ; ತಾಲಿಬಾನಿಗಳ ಅಬ್ಬರಕ್ಕೆ ಹೆದರಿ ದೇಶದ ಅಧ್ಯಕ್ಷರೆ ಪಲಾಯನ ಮಾಡಿದ್ದಾರೆ. ದೇಶ ಸಂಪೂರ್ಣವಾಗಿ ಶರಣಾಗತಿಯ ಮನಸ್ಥಿತಿಯಲ್ಲಿದೆ. ಆದರೆ ಅಷ್ಟು ಆತಂಕದ ಕಾರ್ಮೋಡ ನಡುವೆ ಒಬ್ಬ ಮಹಿಳೆ ಮೂಲಭೂತವಾಗಿ ತಾಲಿಬಾನಿಗಳ ವಿರುದ್ಧ ಹೋರಾಟಕ್ಕೆ ಬಂದೂಕು ಎತ್ತಿಕೊಂಡಿದ್ದಾರೆ.
ಆಫ್ಘಾನಿಸ್ತಾನದಲ್ಲಿ ಇತ್ತೀಚೆಗಷ್ಟೆ ಮಹಿಳೆಯರು ರಾಜಕಾರಣದಲ್ಲಿ ಸಕ್ರಿಯರಾಗಿದ್ದರು. ಒಂದಷ್ಟು ಮಂದಿ ಪ್ರಭುದ್ಧ ಮಾನಕ್ಕೆ ಬಂದಿದ್ದರು. ಅವರಲ್ಲಿ ,ಮೂರು ಮಂದಿ ವಿವಿಧ ರಾಜ್ಯಗಳ ರಾಜ್ಯಪಾಲರಾಗಿದ್ದರು. ಆ ರಾಜ್ಯಪಾಲರ ಪೈಕಿ ಒಬ್ಬರಾಗಿರುವ ಸಲಿಮಾ ಮಜಾರಿ ಈಗ ತಾಲಿಬಾನಿಗಳ ವಿರುದ್ಧ ಯುದ್ಧ ಮುಂದುವರೆಸುವ ಮಾತುಗಳನ್ನಾಡಿದ್ದಾರೆ. ಗಾರ್ಡಿಯನ್ ಸುದ್ದಿಸಂಸ್ಥೆಯೊಂದಿಗೆ ಮಾತನಾಡುವ ಧೈರ್ಯ ಮಾಡಿರುವ ಸಲಿಮಾ, ತಾಲಿಬಾನ್ ಆಕ್ರಮಿತ ಆಫ್ಘಾನಿಸ್ತಾನದಲ್ಲಿ ಮೊದಲ ಬಾರಿಗೆ ದೇಶ ರಕ್ಷಣೆಗಾಗಿ ಶಸ್ತ್ರಾಸ್ತ್ರಾ ಕೈಗೆತ್ತಿಕೊಳ್ಳುವ ಮಾತನಾಡಿದ್ದಾರೆ.
