ಸೇಂಟ್ ಪೀಟರ್ಸ್ ಬರ್ಗ್: ನೈಜೀರಿಯಾ ವಿರುದ್ಧ 2-1ರ ಗೆಲುವು ದಾಖಲಿಸಿಕೊಂಡ ಅರ್ಜೆಂಟೀನಾವು ಫಿಫಾ ವಿಶ್ವಕಪ್ ನ ಅಂತಿಮ 16ರ ಘಟ್ಟಕ್ಕೆ ತಲುಪಲು ಯಶಸ್ವಿಯಾಗಿದೆ.
ಗ್ರೂಪ್ ಡಿ ವಿಭಾಗದಲ್ಲಿ ಕ್ರೊವೇಷಿಯಾ 9 ಅಂಕಗಳೊಂದಿಗೆ ಅಗ್ರಸ್ಥಾನಿಯಾಗಿ ಅಂತಿಮ 16ರ ಘಟ್ಟಕ್ಕೆ ತಲುಪಿತು. ಕ್ರೊವೇಷಿಯಾ 2-1ರಿಂದ ಐಸ್ ಲ್ಯಾಂಡ್ ನ್ನು ಪರಾಭಾವಗೊಳಿಸಿತು. ಇದೇ ವೇಳೆ ನೈಜೀರಿಯಾ ಕೂಡ ಡ್ರಾ ಸಾಧಿಸಿ ಮುಂದಿನ ಸುತ್ತಿಗೇರುವ ಯತ್ನದಲ್ಲಿತ್ತು. ಆದರೆ 86ನೇ ನಿಮಿಷದಲ್ಲಿ ಮಾರ್ಕೊಸ್ ರೊಜೊ ಬಾರಿಸಿದ ಗೋಲಿನಿಂದ ಅರ್ಜೆಂಟೀನಾ 2-1ರ ಗೆಲುವು ದಾಖಲಿಸಿಕೊಂಡಿತು.
14ನೇ ನಿಮಿಷದಲ್ಲಿ ಲಿಯೊನೆಲ್ ಮೆಸ್ಸಿ ತಂಡಕ್ಕೆ ಮುನ್ನಡೆ ಒದಗಿಸಿಕೊಟ್ಟರು. ಇದರ ಬಳಿಕ 51ನೇ ನಿಮಿಷದಲ್ಲಿ ವಿಕ್ಟರ್ ಮೊಸೆಸ್ ನೈಜೀರಿಯಾಗೆ ಸಮಬಲ ಒದಗಿಸಿಕೊಟ್ಟರು.