ಕಾರವಾರ: ಯಕ್ಷಗಾನ ಕಲಾವಿದ ಕುಮಟಾ ತಾಲೂಕಿನ ಧಾರೇಶ್ವರದ ಸುಬ್ರಹ್ಮಣ್ಯ ಧಾರೇಶ್ವರ ಅವರಿಗೆ ಪ್ರಸಕ್ತ ಸಾಲಿನ ರಾಜ್ಯೋತ್ಸವ ಪ್ರಶಸ್ತಿ ಲಭಿಸಿದೆ. ಈ ಮೂಲಕ ಜಿಲ್ಲೆಯ ಇಬ್ಬರಿಗೆ ರಾಜ್ಯೋತ್ಸವ ಪ್ರಶಸ್ತಿ ಲಭಿಸಿದಂತಾಗಿದೆ.
ಕಳೆದ ಅನೇಕ ವರ್ಷಗಳಿಂದ ಯಕ್ಷಗಾನ ಕ್ಷೇತ್ರದಲ್ಲಿ ಸೇವೆ ಸಲ್ಲಿಸುತ್ತಿರುವ ಸುಬ್ರಮಣ್ಯ ಅವರಿಗೆ ರಾಜ್ಯೋತ್ಸವ ಪ್ರಶಸ್ತಿ ಬಂದಿದ್ದು ಜಿಲ್ಲೆಗೆ ಹರ್ಷದ ಸಂಗತಿಯಾಗಿದೆ. ಅವರ ವಿದ್ಯಾಭ್ಯಾಸವು ಪ್ರಥಮ ಪಿಯುಸಿಗೆ ಆಗಿದೆ. ಆಮೇಲೆ ಹೊಟ್ಟೆಪಾಡಿಗಾಗಿ ಎಲೆಕ್ಟ್ರಿಕ್‌ ಕೆಲಸ ಕಲಿತರು. ಯಕ್ಷಗಾನದ ಭಾಗವತರಾದ ಅವರ ಅದೇ ಕ್ಷೇತ್ರದಲ್ಲಿ ಮಿಂಚಿದರು.
ಸಂಗೀತಗಾರನಾಗಬೇಕೆಂದಿದ್ದ ಸುಬ್ರಮಣ್ಯ ಅವರಿಗೆ ಯಕ್ಷಗಾನದ ಭಾಗವತನಾಗಬೇಕಾದ ಸ್ಥಿತಿ ಬಂತು. ದಿ.ಕಾಳಿಂಗ ನಾವುಡ, ಚಿಟ್ಟಾಣಿ ರಾಮಚಂದ್ರ ಹೆಗಡೆ, ದಿ. ದುರ್ಗಪ್ಪ ಗುಡಿಗಾರರು ನನಗೆ ಉತ್ತಮ ಅವಕಾಶಗಳನ್ನು ನೀಡುತ್ತ ನನ್ನ ಬೆಳವಣಿಗೆಗೆ ಕಾರಣರಾದರು.
ವಿಭಿನ್ನತೆಯನ್ನು ಬಯಸುವ ಮನಸ್ಸು ಸುಬ್ರಮಣ್ಯ ಅವರದ್ದಾಗಿತ್ತು. ಸಂಗೀತಗಾರನಾಗುವ ಕನಸನ್ನು ಇಟ್ಟುಕೊಂಡು ಯಕ್ಷಗಾನದಲ್ಲೂ ಸಂಗೀತದ ರುಚಿಯನ್ನು ಕಾಣತೊಡಗಿದರು . ಹೃದಯಕ್ಕೆ ಹತ್ತಿರವಿರುವ ಪೌರಾಣಿಕ ಪ್ರಸಂಗಗಳು ಅನಿವಾರ್ಯವಾಗಿ ಕಡಿಮೆ ಆಗುತ್ತ ಬಂದವು. ಜನ ಬಯಸುವ ಪ್ರಸಂಗಗಳನ್ನು ನೀಡಬೇಕಾದ ಸ್ಥಿತಿ ನಿರ್ಮಾಣವಾಯಿತು. ಸಾಮಾಜಿಕ ಪ್ರಸಂಗಗಳು ಕಿಸೆಗೆ ಹತ್ತಿರವಾಯಿತು. ಅವರು ಮಾಡಿದ ಪ್ರಯೋಗಗಳನ್ನು ಜನ ಒಪ್ಪಿಕೊಂಡರು. ಅಷ್ಟರದಲ್ಲಿ ಯಕ್ಷಗಾನದಲ್ಲಿ ಒಂದು ಹಂತಕ್ಕೆ ಬೆಳೆದಿದ್ದೇನೆ. ಕಳೆದ ವರ್ಷ ಶ್ಯಾಮಲಾ ಭಾವೆ ಅವರ ಶಿಷ್ಯನಾಗಿ ಸಂಗೀತ ಕಲಿಯಲು ಪ್ರಾರಂಭಿಸಿದ್ದಾರೆ.
