ಮಂಗಳೂರು: 1912 ರಲ್ಲಿ ಆರಂಭವಾದ ಎಂಸಿಸಿ ಬ್ಯಾಂಕ್ ಇಂದು ಶತಮಾನೋತ್ತರ ದಶಮಾನೋತ್ಸವ (110ನೇ ವರ್ಷ) ದ ಸಂಭ್ರಮದಲ್ಲಿದೆ. ಈ ಸಂಭ್ರಮಕ್ಕೆ ಬ್ಯಾಂಕಿನ ದೂರದರ್ಶಿ ಸ್ಥಾಪಕರು, ಷೇರುದಾರರು, ಬ್ಯಾಂಕಿನ ಹಿಂದಿನ ಅಧ್ಯಕ್ಷರು, ನಿರ್ದೇಶಕರು, ಸಿಬ್ಬಂದಿ ಮತ್ತು ಗ್ರಾಹಕರ ಕೊಡುಗೆ ಅಪಾರವಾಗಿದೆ.
2018 ರಲ್ಲಿ ಸಂಪೂರ್ಣ ಬಹುಮತದಿಂದ ಆಯ್ಕೆಯಾದ ಈ ಬ್ಯಾಂಕ್ನ ಆಡಳಿತ ಮಂಡಳಿಯು ಕೋವಿಡ್ ಸಂಕಷ್ಟಗಳ ನಡುವೆಯೂ ಪ್ರಸ್ತುತ ವರ್ಷ 8.27 ಕೋಟಿ ರುಪಾಯಿಗಳ ನಿವ್ವಳ ಲಾಭ ದಾಖಲಿಸಿದೆ.
ಇದು ಬ್ಯಾಂಕಿನ ಇತಿಹಾಸದಲ್ಲಿ ಪ್ರಥಮವಾದ ದೊಡ್ಡ ಲಾಭ ಗಳಿಕೆಯಾಗಿರುತ್ತದೆ. 2018ನೇ ಸಾಲಿನಲ್ಲಿದ್ದ ರೂ.510 ಕೋಟಿ ರೂಪಾಯಿಗಳ ವ್ಯವಹಾರವು ಪ್ರಸ್ತುತ ಸಾಲಿನ್ನಲ್ಲಿ 81 ಕೋಟಿ ರೂಪಾಯಿಗಳಿಗೆ ಏರಿಕೆಯಾಗಿದೆ.
ಅದೇ ರೀತಿ 2020 ರಲ್ಲಿ ಬ್ಯಾಂಕಿನ ನಿವ್ವಳ ಎನ್ ಪಿ ಎ 7.17% ಇದ್ದದ್ದು 2021 22 (ಪ್ರಸ್ತುತ) ಸಾಲಿನಲ್ಲಿ 1.60% ಗೆ ಇಳಿದಿದೆ. ಇದು ನಮ್ಮ ಅವಧಿಯ ಮಹತ್ವದ ಸಾಧನೆಯ ಜೊತೆಗೆ ಬ್ಯಾಂಕಿನ ಸುದೃಡತೆಯ ಸಂಕೇತವಾಗಿದೆ, ಈ ಸಾಧನೆಯಲ್ಲಿ ನಮ್ಮ ಷೇರುದಾರರ, ಗ್ರಾಹಕರ ಹಾಗೂ ಸಿಬ್ಬಂದಿಯ ಶ್ರಮ ದೊಡ್ಡದಾಗಿದೆ.