ಬೆಳ್ತಂಗಡಿ: ಇಸ್ರೋ ಉಡಾಯಿಸಿದ 2022 ರ ಮೊದಲ ಉಪಗ್ರಹ ಪಿ.ಎಸ್.ಎಲ್.ವಿ. – ಸಿ52 ಇದು ಬೆಳ್ತಂಗಡಿ ತಾಲೂಕಿನ ಶಿಶಿಲದಲ್ಲೂ ಕಾಣಿಸಿಕೊಂಡಿದ್ದು, ಸ್ಥಳೀಯ ಛಾಯಾಗ್ರಾಹಕ ಗೋಪು ಗೋಖಲೆಯವರು ತಮ್ಮ ಕ್ಯಾಮರಾದಲ್ಲಿ ಅದನ್ನು ಸೆರೆ ಹಿಡಿದಿದ್ದಾರೆ.
ಫೆ.14 ರ ನಸುಕಿನ ವೇಳೆ 5.59 ಗಂಟೆಗೆ ಶ್ರೀಹರಿ ಕೋಟಾದಿಂದ ಉಡಾವಣೆಗೊಂಡಿದ್ದ ಉಪಗ್ರಹ 6 ಗಂಟೆಯ ಹೊತ್ತಿಗೆ ಶಿಶಿಲದ ಉದಯ ಪರ್ವತದ ಬಲ ಪಾರ್ಶ್ವದ ಅಂಚಿನಲ್ಲೇ ಮೇಲಕ್ಕೆ ಹಾದು ಹೋಗಿದೆ.
2 ನಿಮಿಷಗಳ ಕಾಲ ಇದು ಗೋಚರಿಸಿದ್ದು ಮುಂಜಾವಿನ ಸೂರ್ಯಕಿರಣದಿಂದ ಹೊಳೆಯುತ್ತಿದ್ದ ಕಾರಣ ಬೆಂಕಿಯುಂಡೆಯಂತೆ ಅದು ಸ್ಪಷ್ಟವಾಗಿ ಕ್ಯಾಮರಾಕ್ಕೆ ಕಾಣಸಿಕ್ಕಿದೆ.