ಬೆಂಗಳೂರು : ಬೇರೆ ಧರ್ಮದ ಹುಡುಗನನ್ನು ಪ್ರೀತಿಸಿ ವಿವಾಹವಾಗಿದ್ದಕ್ಕೆ ತಂಗಿಯ ಬಾಳಿಗೆ ಕೊಳ್ಳಿ ಇಟ್ಟಿದ್ದಾನೆ ಬೆಂಗಳೂರಿನ ರೌಡಿ ಷೀಟರ್ ಅಣ್ಣ. ತಂಗಿಯ ಗಂಡನನ್ನು ಬರ್ಬರವಾಗಿ ಕೊಲೆ ಮಾಡಿದ್ದಾನೆ ರೌಡಿಶೀಟರ್ ಜಿಲಾನಿ. ಈತನ ಈ ಅಟ್ಟಹಾಸಕ್ಕೆ ಬಲಿಯಾದವನು ಯುವಕ ರಾಹುಲ್.
ಜಿಲಾನಿ ತಂಗಿ ಮತ್ತು ರಾಹುಲ್ ಪ್ರೀತಿಸುತ್ತಿದ್ದರು. ಇದಕ್ಕೆ ತನ್ನ ಅಣ್ಣ ವಿರೋಧ ವ್ಯಕ್ತಪಡಿಸುತ್ತಾನೆ ಎಂದು ತಿಳಿದಿದ್ದ ಆಕೆ ಅಣ್ಣನಿಲ್ಲದ ವೇಳೆ ಮದುವೆಯಾಗಿದ್ದಳು. ಆದರೆ ಈ ವಿಷಯ ಆತನಿಗೆ ತಿಳಿದಿದೆ. ಇದರಿಂದ ಸಿಟ್ಟುಗೊಂಡ ಜಿಲಾನಿ ಸುಪಾರಿ ಕೊಟ್ಟು ತಂಗಿಯ ಗಂಡನನ್ನೇ ಕೊಲೆ ಮಾಡಿಸಿ, ಸಿಕ್ಕಿಬಿದ್ದಿದ್ದಾನೆ.
ಈತ ಇದಾಗಲೇ ಕೊಲೆ ಆರೋಪದ ಮೇಲೆ ಜೈಲು ಸೇರಿದ್ದ. ಇವನು ಜೈಲಿನಲ್ಲಿದ್ದಾಗ ತಂಗಿ ರಾಹುಲ್ನನ್ನು ಮದುವೆಯಾಗಿದ್ದಾಳೆ. ಇದೇ ಆತನ ಸಾವಿಗೆ ಕಾರಣವಾಗಿವೆ. ಜೈಲಿನಲ್ಲಿ ಇರುವಾಗಲೇ ತಂಗಿ ಹಿಂದೂ ಯುವಕನನ್ನು ಮದುವೆಯಾಗಿರುವ ಸುದ್ದಿ ಈ ಪಾಪಿಗೆ ತಿಳಿದಿದೆ. ಅಲ್ಲಿಂದಲೇ ಸ್ಕೆಚ್ ಹಾಕಿದ ಈತ ತನ್ನ ನಾಲ್ವರು ಸಹಚರರಿಗೆ ಹಣ ಕೊಟ್ಟು ಕೊಲೆಗೆ ಸುಪಾರಿ ಕೊಟ್ಟಿದ್ದಾನೆ.
ಅವರು ರಾಹುಲ್ನನ್ನು ಮಾರಕಾಸ್ತ್ರಗಳಿಂದ ಕೊಲೆ ಮಾಡಿದ್ದಾರೆ. ತನಿಖೆ ನಡೆಸಿದ ಪೊಲೀಸರು ನಾಲ್ವರನ್ನು ಬಂಧಿಸಿದ್ದಾರೆ. ಅರ್ಬಾಜ್ ಖಾನ್, ಶೋಹಿಬ್, ನಾಹೀಬ್, ಫೈಸಲ್ ಬಂಧಿತ ಆರೋಪಿಗಳು.