ಶತಕ ಬಾರಿಸಿ ಸಾಕಷ್ಟು ಡಿಮ್ಯಾಂಡ್ ಕ್ರಿಯೇಟ್ ಮಾಡಿದ್ದ ಟೊಮ್ಯಾಟೊ ದರ ಈಗ ಏಕಾಏಕಿ ಇಳಿಕೆಯಾಗಿದೆ. ಕೆಜಿಗೆ 40-50 ರೂ. ದರದಲ್ಲಿ ಇಳಿಕೆಯಾಗಿರುವುದು ಗ್ರಾಹಕರ ಮೊಗದಲ್ಲಿ ಸಂತಸ ತಂದಿದೆ.
ಕೆಜಿಗೆ ನೂರು ರೂ. ತಲುಪುತ್ತಿದ್ದಂತೆ ಮಾರುಕಟ್ಟೆಗೆ ಭಾರಿ ಸಂಖ್ಯೆಯಲ್ಲಿ ಟೊಮ್ಯಾಟೊ ಆಗಮಿಸಲಾರಂಭಿಸಿತು. ಇದರಿಂದ ದರ ಏಕಾಏಕಿ ಅರ್ಧದಷ್ಟು ಕುಸಿತ ಕಾಣಲು ಕಾರಣವಾಗಿದೆ.
ಟೊಮ್ಯಾಟೊ ದರ ಇಳಿಕೆಯಾದರೂ ಕೊತ್ತಂಬರಿ ಸೊಪ್ಪಿನ ದರ ಮಾತ್ರ ಇಳಿಕೆ ಕಂಡಿಲ್ಲ. ಕೊತ್ತಂಬರಿ ಸೊಪ್ಪು 114 ರೂ. ಇದ್ದರೆ ಪಾಲಾಕ್ ಸೊಪ್ಪು 107 ರೂ. ನಷ್ಟಿದೆ. ಮಳೆ ಹಿನ್ನೆಲೆಯಲ್ಲಿ ಸೊಪ್ಪಿನ ದರ ಏರಿಕೆಯಾಗಿದೆ. ಮುಂದಿನ ವಾರದೊಳಗೆ ಸೊಪ್ಪಿನ ದರ ಕೂಡ ಇಳಿಕೆಯಾಗಲಿದೆ.