ಜೂನ್ 16ರಂದು ವಿಶ್ವದಾದ್ಯಂತ ಬಹು ನಿರೀಕ್ಷಿತ ಚಿತ್ರ ಆದಿಪುರುಷ್ ಬಿಡುಗಡೆಗೊಂಡಿತು. ರಾಮಾಯಣ ಕಥೆ ಆಧಾರಿತ ಚಿತ್ರವೆಂಬ ಕಾರಣಕ್ಕೆ ಆದಿಪುರುಷ್ ಚಿತ್ರ ಸಿನಿ ರಸಿಕರಲ್ಲಿ ಈ ಹಿಂದಿನಿಂದಲೂ ಚರ್ಚೆಯನ್ನು ಹುಟ್ಟುಹಾಕುತ್ತಲೇ ಇತ್ತು. ಮೊದಲಿಗೆ ಟೀಸರ್ ಮೂಲಕ ಕೆಟ್ಟ ವಿಎಫ್ಎಕ್ಸ್ ಕಾರಣದಿಂದಾಗಿ ಸಾಕಷ್ಟು ದೊಡ್ಡ ಮಟ್ಟದಲ್ಲಿ ವಿರೋಧ ಹಾಗೂ ಟೀಕೆಗಳನ್ನು ಪಡೆದುಕೊಂಡು ಟ್ರೋಲ್ಗೆ ಒಳಗಾಗಿದ್ದ ಆದಿಪುರುಷ್ ಬಳಿಕ ಟ್ರೈಲರ್ ಹಾಗೂ ಹಾಡುಗಳ ಮೂಲಕ ಸಿನಿ ರಸಿಕರಲ್ಲಿ ನಿರೀಕ್ಷೆಯನ್ನು ಹುಟ್ಟುಹಾಕಿತ್ತು.
ಚಿತ್ರ ಬಿಡುಗಡೆಯಾದ ದಿನದ ಮೊದಲ ಪ್ರದರ್ಶನ ಮುಕ್ತಾಯವಾದ ಕೂಡಲೇ ಚಿತ್ರದ ಕುರಿತು ನೆಗೆಟಿವ್ ವಿಮರ್ಶೆಗಳು ಬರಲಾರಂಭಿಸಿದವು. ಕೆಲವರುರಾಮಾಯಣವನ್ನು ತಪ್ಪಾಗಿ ತೋರಿಸಲಾಗಿದೆ ಎಂದು ಅಸಮಾಧಾನ ಹೊರಹಾಕಿದ್ದಾರೆ. ಇನ್ನು ಚಿತ್ರ ಮೊದಲ ದಿನ ವಿಶ್ವದಾದ್ಯಂತ 140 ಕೋಟಿ ಗಳಿಸಿತು. ಚಿತ್ರತಂಡ ಅಧಿಕೃತವಾಗಿ ಪೋಸ್ಟರ್ ಬಿಡುಗಡೆಯಾಗುವ ಮೂಲಕ ಈ ಕಲೆಕ್ಷನ್ ವರದಿಯನ್ನು ಹಂಚಿಕೊಂಡಿತು. ಇದೀಗ ಎರಡನೇ ದಿನದ ಕಲೆಕ್ಷನ್ ವರದಿಯನ್ನೂ ಸಹ ಚಿತ್ರತಂಡ ಹಂಚಿಕೊಂಡಿದೆ. ಆದಿಪುರುಷ್ ನಿರ್ಮಾಪಕರು ಚಿತ್ರ ಎರಡನೇ ದಿನದ 100 ಕೋಟಿ ಗಳಿಸಿದ್ದು, ಮೊದಲೆರಡು ದಿನಗಳಲ್ಲಿ 240 ಕೋಟಿ ಗಳಿಸಿದೆ ಎಂದು ಪೋಸ್ಟರ್ ಬಿಡುಗಡೆ ಮಾಡಿದೆ.
ಇದು ವಿಶ್ವದಾದ್ಯಂತ ಚಿತ್ರ ಎರಡು ದಿನಗಳಲ್ಲಿ ಮಾಡಿರುವ ಕಲೆಕ್ಷನ್ ಆಗಿದ್ದು ಕರ್ನಾಟಕದಲ್ಲಿ ಮೊದಲ ದಿನ 8.17 ಕೋಟಿ ಗಳಿಸಿದೆ ಹಾಗೂ ಎರಡನೇ ದಿನ 6.15 ಕೋಟಿ ಗ್ರಾಸ್ ಕಲೆಕ್ಷನ್ ಮಾಡಿದೆ. ಈ ಮೂಲಕ ಕರ್ನಾಟಕ ಬಾಕ್ಸ್ ಆಫೀಸ್ನಲ್ಲಿ ಚಿತ್ರ ಎರಡು ದಿನಗಳಲ್ಲಿ 14.32 ಕೋಟಿ ಗ್ರಾಸ್ ಕಲೆಕ್ಷನ್ ಅನ್ನು ಮಾಡಿದೆ ಎಂದು ವರದಿಯಾಗಿದೆ.