ತಿರುವನಂತಪುರಂ: ಮಲಯಾಳಂ ಚಿತ್ರರಂಗದ ಹಿರಿಯ ನಟ ಪೂಜಾಪ್ಪುರ ರವಿ (ರವೀಂದ್ರನ್ ನಾಯರ್) ಇಂದು ನಿಧನರಾಗಿದ್ದಾರೆ. ಅವರಿಗೆ 86 ವರ್ಷ ವಯಸ್ಸಾಗಿತ್ತು. ಇಡುಕ್ಕಿ ಜಿಲ್ಲೆಯ ಮರಾಯೂರಿನ ಅವರ ಮನೆಯಲ್ಲಿ ವಯೋಸಹಜ ಖಾಯಿಲೆಯಿಂದ ಅವರು ಮೃತಪಟ್ಟಿದ್ದಾರೆ.
ಎನ್.ಕೆ. ಆಚಾರಿ ಅವರ ‘ಕಲಾನಿಲಯಂ’ ಎಂಬ ರಂಗಭೂಮಿ ತಂಡದಿಂದ ಬೆಳೆದ ಪೂಜಾಪ್ಪುರ ರವಿ, 1976 ರಲ್ಲಿ ‘ಅಮ್ಮಿಣಿ ಅಮ್ಮಾವನ್’ ಎಂಬ ಸಿನಿಮಾ ಮೂಲಕ ಮೋಳಿವುಡ್ಗೆ ಪಾದಾರ್ಪಣೆ ಮಾಡಿದ್ದರು. ಅವರು ಇದುವರೆಗೆ 800 ಕ್ಕೂ ಹೆಚ್ಚು ಸಿನಿಮಾಗಳಲ್ಲಿ ಅಭಿನಯಿಸಿದ್ದು, ಹೆಚ್ಚಾಗಿ ಹಾಸ್ಯ ಪಾತ್ರಗಳಲ್ಲಿ ಕಾಣಿಸಿಕೊಂಡಿದ್ದರು. ಇತ್ತೀಚಿನ ‘ಗುಪ್ಪಿ’ ಸಿನಿಮಾ ರವಿ ಅವರು ಅಭಿನಯಿಸಿದ ಕೊನೆಯ ಚಿತ್ರವಾಗಿತ್ತು.