ಭಾರತದಲ್ಲಿ ಹಣ್ಣು ತರಕಾರಿಗಳನ್ನು ಕೆಲವೊಂದು ಬಗೆಯ ಎಲೆಗಳನ್ನು ಕಾಂಡ ಗೆಡ್ಡೆ ಗೆಣಸುಗಳನ್ನು ಆಹಾರವನ್ನಾಗಿ ಬಳಸುವ ಪದ್ಧತಿಯನ್ನು ಕಾಣಬಹುದು. ಅಂತಹದೆ ವರ್ಗಕ್ಕೆ ನುಗ್ಗೆ ಸೊಪ್ಪುಗಳನ್ನು ಕೂಡ ಸೇರಿಸಬಹುದು.
ಮನೆ ಮಾತಾಗಿರುವ ನುಗ್ಗೆ ಸೊಪ್ಪು ಪಲ್ಯಕ್ಕು ಸೈ ರಸಂಗೂ ಸೈ. ಮನೆಮುಂದೆ ಸೊಂಪಾಗಿ ಬೆಳೆಯುವ ನುಗ್ಗೆ ಮರವನ್ನು ನೋಡದಿರಲಿ ಸಾಧ್ಯವಿಲ್ಲ. ಹಚ್ಚಾ ಹಸಿರಾಗಿ ಬೆಳೆದು ಹೂ ಬಿಟ್ಟು ಉದ್ದನೆಯ ದಂಟಿನಂತೆ ಬೆಳೆಯುವ ನುಗ್ಗೆಯನ್ನು ಎಲ್ಲರೂ ಸವಿಯುತ್ತಾರೆ. ಬಹುತೇಕ ಹೋಟೆಲ್ಗಳಲ್ಲಿ ನಾವು ನುಗ್ಗೆ ಕಾಯಿಯ ರಸಂಗಳನ್ನು ಸವಿಯುತ್ತೇವೆ. ನುಗ್ಗೆ ಪಲ್ಯಗಳನ್ನು ಸವಿಯುತ್ತಿರುತೇವೆ.
ಇಷ್ಟೆಲ್ಲಾ ಆದರೂ ಬಹಳ ವಿರಳವಾಗಿ ಮನೆಯಲ್ಲಿ ಮಾಡಿರಿರುವ ನುಗ್ಗೆ ಸೊಪ್ಪಿನ ಪಲ್ಯವನ್ನು ಸವಿಯಲು ಅವಕಾಶ ಸಿಕ್ಕರೆ ಯಾರು ಬಿಡುವುದಿಲ್ಲ. ಸಣ್ಣ ಸಣ್ಣ ಎಲೆಯನ್ನು ಆಯ್ದು ಪಲ್ಯ ಮಾಡಿ ಉಣ್ಣ ಬಡಿಸಿದರೆ ಮನೆ ಮಂದಿಯ ಮೊಗದಲ್ಲಿ ಮಂದಾಹಾಸ ಮೂಡುತ್ತದೆ.
ಅಧಿಕ ಪೌಷ್ಟಿಕಾಂಶವನ್ನು ಒಳಗೊಂಡಿರುವ ಸೊಪ್ಪು ಆರೋಗ್ಯಕ್ಕು ಸೈ ಅನಿಸಕೊಂಡಿದೆ. ಕೊಲೆಸ್ಟ್ರಾಲ್ ನ್ನು ನಿಯಂತ್ರಿಸುವಲ್ಲಿ, ಹೃದಯದ ಆರೋಗ್ಯವನ್ನು ಕಾಪಾಡುವಲ್ಲಿ ಸಾಕಷ್ಟು ಪರಿಣಾಮಕಾರಿ. ರಕ್ತದೊತ್ತಡವನ್ನು ನಿಯಂತ್ರಿಸಲು ಸಹಕಾರಿ. ದೇಹದ ತೂಕವನ್ನು ನಿಯಂತ್ರಿಸಲು ಸಹಾಯಕ.
ದಕ್ಷಿಣ ಕನ್ನಡ ಮತ್ತು ಮಲೆನಾಡಜನರು ಹೆಚ್ಚಾಗಿ ನುಗ್ಗೆ ಸೊಪ್ಪುನ್ನು ಪಲ್ಯ ಅಥವಾ ರಸಂ, ತೋವೆ ಗಳಾಗಿ ಬಳಸುತ್ತಾರೆ.ಇದರ ರುಚಿ ಸ್ವಲ್ಪ ಕಹಿ ಅನಿಸಿದರೆ ಕೆಲವರು ಬೆಲ್ಲವನ್ನು ಸೇರಿಸುತ್ತಾರೆ. ಇದಲ್ಲದೆ ನುಗ್ಗೆ ಸೊಪ್ಪು ಆಗಾರವಾದ ವಿಟಮಿನ್ಗಳನ್ನು ಒಳಗೊಂಡಿದೆ.