ಮಾವಿನ ಹಣ್ಣಿನ ಲಸ್ಸಿ ಬೇಸಿಗೆಯ ಅತ್ಯುತ್ತಮ ಪಾನೀಯಗಳಲ್ಲಿ ಒಂದು. ಇದು ಪ್ರಪಂಚದಾದ್ಯಂತದ ಎಲ್ಲಾ ತಲೆಮಾರಿನ ಜನರಿಗೆ ಆರೋಗ್ಯಕರ ಹಣ್ಣಿನ ಪಾನೀಯವಾಗಿದೆ. ಅತ್ಯಂತ ಸುಲಭವಾಗಿ ಮಾಡುವ ಹಲಸಿನ ಹಣ್ಣಿನ ಲಸ್ಸಿ ಇಲ್ಲಿದೆ.
ಬೇಕಾಗುವ ಸಾಮಾಗ್ರಿಗಳು:
1 ಕಪ್ ಕತ್ತರಿಸಿದ ಮಾವು
1 ಸಿಹಿ ಕಪ್ ಮೊಸರು
1/4 ಕಪ್ ನೀರು ಅಥವಾ ಹಾಲು
ಒಂದು ಚಿಟಿಕೆ ಏಲಕ್ಕಿ ಪುಡಿ
1 1/2 ಟೇಬಲ್ ಚಮಚಗಳು ಸಕ್ಕರೆ
ಅಲಂಕಾರಕ್ಕಾಗಿ ಕತ್ತರಿಸಿದ ಮಿಶ್ರ ಡ್ರೈ ಫ್ರೂಟ್ಸ್
ಮಾಡುವ ವಿಧಾನ:
ಮಾವಿನ ಹಣ್ಣಿನ ಸಿಪ್ಪೆ ಸುಲಿದು,ಸಣ್ಣ ತುಂಡುಗಳಾಗಿ ಕತ್ತರಿಸಿ ಮಿಕ್ಸಿ ಜಾರ್ ನಲ್ಲಿ ಹಾಕಿ ಅದಕ್ಕೆ ಸಿಹಿ ಮೊಸರು, ಹಾಲು, ಸಕ್ಕರೆ ಹಾಗೂ ಒಂದು ಚಿಟಿಕೆ ಏಲಕ್ಕಿ ಪುಡಿಯನ್ನು ಸೇರಿಸಿ ನಯವಾಗಿ ರುಬ್ಬಿಕೊಳ್ಳಿ. ನಂತರ ಅದರ ದಪ್ಪವನ್ನು ಪರಿಶೀಲಿಸಿ ಮತ್ತು ಅಗತ್ಯವಿದ್ದರೆ ನೀರನ್ನು ಸೇರಿಸಿಕೊಂಡು ಮತ್ತೊಮ್ಮೆ ಮಿಕ್ಸಿ ಜಾರ್ ನಲ್ಲಿ ತಿರುವಿಕೊಳ್ಳಿ. ನಂತರ ಒಂದು ಸರ್ವಿಂಗ್ ಬೌಲ್ ಗೆ ಹಾಕಿ ಅದರ ಮೇಲೆ ಕತ್ತರಿಸಿದ ಡ್ರೈ ಫ್ರೂಟ್ಸ್ ಗಳನ್ನು ಹಾಕಿ ಒಂದು ಗಂಟೆಗಳ ಕಾಲ ಫ್ರಿಡ್ಜ್ ನಲ್ಲಿ ಇಟ್ಟರೆ ಬೇಸಿಗೆಕಾಲದ ರುಚಿ ರುಚಿಯಾದ ಮಾವಿನಹಣ್ಣಿನ ಲಸ್ಸಿ ಸವಿಯಲು ಸಿದ್ಧ.