ಮಹಾರಾಷ್ಟ್ರದ ಅತ್ಯಂತ ವಿಶೇಷವಾದ ಚಟ್ನಿಪುಡಿಗಳಲ್ಲಿ ಇದು ಒಂದು. ವಡಾ ಪಾವ್ ಜೊತೆಗೆ ಸವಿಯಲು ಬಳಸುವ ಈ ಚಟ್ನಿಯನ್ನ ದೋಸೆ ಜೊತೆಗೂ ಬಳಸಬಹುದು. ಇದನ್ನು ಸಾಮಾನ್ಯವಾಗಿ ವಡಾ ಪಾವ್ ಚಟ್ನಿ ಎಂದು ಕರೆಯಲಾಗುತ್ತದೆ. ಈ ಬೆಳ್ಳುಳ್ಳಿ ಒಣ ಚಟ್ನಿಯನ್ನು ಮಾಡುವ ವಿಧಾನ ಹೀಗಿದೆ.
ಬೇಕಾಗುವ ಪದಾರ್ಥಗಳು:
8 ಬೆಳ್ಳುಳ್ಳಿ ಲವಂಗ
1/2 ಕಪ್ ತುರಿದ ಒಣ ತೆಂಗಿನಕಾಯಿ
1 ಟೇಬಲ್ ಚಮಚ ಎಳ್ಳು
1 ಟೇಬಲ್ ಚಮಚ ಹುರಿದ ಕಡಲೆಕಾಯಿ (ನೆಲಗಡಲೆ)
2 ಟೀಸ್ಪೂನ್ ಕೆಂಪು ಮೆಣಸಿನ ಪುಡಿ
1 ಟೀಸ್ಪೂನ್ ಕೊತ್ತಂಬರಿ ಪುಡಿ
1/2 ಟೀಸ್ಪೂನ್ ಹುಣಸೆ ಹಣ್ಣಿನ ಪೇಸ್ಟ್
1 ಟೀ ಚಮಚ ಎಣ್ಣೆ
ಉಪ್ಪು
ಮಾಡುವ ವಿಧಾನ:
ಬಾಣಲೆಯಲ್ಲಿ 1 ಟೀಸ್ಪೂನ್ ಎಣ್ಣೆಯನ್ನು ಬಿಸಿ ಮಾಡಿ ಮತ್ತು ಬೆಳ್ಳುಳ್ಳಿ ಎಸಳು, ತುರಿದ ತೆಂಗಿನಕಾಯಿ, ಎಳ್ಳು, ಕಡಲೆಕಾಯಿಯನ್ನು ಬೇರೆ ಬೇರೆಯಾಗಿ ಸಣ್ಣ ಉರಿಯಲ್ಲಿ 1 ನಿಮಿಷ ಹುರಿದು ಒಂದು ಪ್ಲೇಟ್ ಗೆ ಹಾಕಿ 5 ನಿಮಿಷಗಳ ಕಾಲ ತಣ್ಣಗಾಗಲು ಬಿಡಿ. ಗ್ರೈಂಡರ್ ಜಾರ್ ಅಥವಾ ಫುಡ್ ಪ್ರೊಸೆಸರ್ ಜಾರ್ ನಲ್ಲಿ ಹುರಿದ ಎಲ್ಲಾ ಪದಾರ್ಥಗಳ ಜೊತೆಗೆ ಹುಣಸೆ ಪೇಸ್ಟ್, ಕೆಂಪು ಮೆಣಸಿನ ಪುಡಿ, ಕೊತ್ತಂಬರಿ ಪುಡಿ ಮತ್ತು ಉಪ್ಪನ್ನು ಸೇರಿಸಿ ತರಿತರಿಯಾಗಿ ರುಬ್ಬಿಕೊಂಡರೆ ಬೆಳ್ಳುಳ್ಳಿ ಒಣ ಚಟ್ನಿ ಸವಿಯಲು ಸಿದ್ಧ. ಇದನ್ನು ಗಾಳಿಯಾಡದಂತೆ ಒಂದು ಡಬ್ಬಿಯಲ್ಲಿ ಹಾಕಿ ಫ್ರಿಡ್ಜ್ ನಲ್ಲಿ ಇಟ್ಟರೆ 15 ದಿನಗಳವರೆಗೆ ಸಂಗ್ರಹಿಸಿ ಇಡಬಹುದು.
