ಗುಜರಾತಿ ಶೈಲಿಯ ಶ್ರೀಖಂಡ್ ಆರೋಗ್ಯಕರ ಸಿಹಿತಿಂಡಿಯಾಗಿದ್ದು, ಇದನ್ನು ಮೊಸರಿನಿಂದ ತಯಾರಿಸಲಾಗುತ್ತದೆ. ಬಾಯಿಗೂ ರುಚಿಕರ ಅರೋಗ್ಯಕ್ಕೂ ಹಿತಕರ. ಇದನ್ನು ಮಾಡುವ ವಿಧಾನ ಇಲ್ಲಿದೆ.
ಬೇಕಾಗುವ ಸಾಮಾಗ್ರಿಗಳು:
3 ಕಪ್ ಮೊಸರು
1/4 ಕಪ್ ಪುಡಿ ಸಕ್ಕರೆ
1/2 ಟೀಸ್ಪೂನ್ ಏಲಕ್ಕಿ ಪುಡಿ
10-15 ಬಾದಾಮಿ ಮತ್ತು ಗೋಡಂಬಿ
ಮಾಡುವ ವಿಧಾನ:
ಒಂದು ಬೌಲ್ ಅನ್ನು ತೆಗೆದುಕೊಂಡು ಅದರ ಮೇಲೆ ಮಸ್ಲಿನ್ ಬಟ್ಟೆ ಅಥವಾ ಚೀಸ್ ಕ್ಲಾತ್ ಅನ್ನು ಹರಡಿ ಮಧ್ಯದಲ್ಲಿ ಮೊಸರನ್ನು ಹಾಕಿ ನೀರೆಲ್ಲ ಬಸಿದು ಹೋಗುವಂತೆ ಬಿಗಿಯಾಗಿ ಕಟ್ಟಿ, ಅದರ ಮೇಲೆ ಭಾರವಾದ ವಸ್ತುವನ್ನು ಇಟ್ಟು ಸುಮಾರು 6 ರಿಂದ 7 ಗಂಟೆಗಳ ಕಾಲ ಫ್ರಿಡ್ಜ್ ನಲ್ಲಿ ಇಡಿ.
ನಂತರ ಆ ಮೊಸರನ್ನು ಒಂದು ಬೌಲ್ ಗೆ ವರ್ಗಾಯಿಸಿ ಅದಕ್ಕೆ ಸಕ್ಕರೆ ಪುಡಿ, ಏಲಕ್ಕಿ ಪುಡಿ ಸೇರಿಸಿ ವಿಸ್ಕರ್ ಅಥವಾ ಹ್ಯಾಂಡ್ ಬೀಟರ್ ನ ಮೂಲಕ ನಯವಾಗುವ ತನಕ ಚೆನ್ನಾಗಿ ಮಿಶ್ರಣ ಮಾಡಿ, ಕೊನೆಯಲ್ಲಿ ಕತ್ತರಿಸಿದ ಬಾದಾಮಿ ಮತ್ತು ಗೋಡಂಬಿಯನ್ನು ಸೇರಿಸಿ ಕನಿಷ್ಠ ಒಂದು ಗಂಟೆಗಳ ಕಾಲ ಫ್ರಿಡ್ಜ್ ನಲ್ಲಿ ಇಟ್ಟರೆ ರುಚಿ ರುಚಿಯಾದ ಶ್ರೀಖಂಡ್ ಸವಿಯಲು ಸಿದ್ಧ. ಬಣ್ಣಕ್ಕೆ ಬೇಕಾದರೆ ಕೇಸರಿ ಎಸಳುಗಳನ್ನು ಸೇರಿಸಬಹುದು.