ಬೀಜಿಂಗ್: 19 ವರ್ಷಗಳಲ್ಲಿ ಮೊದಲ ಬಾರಿಗೆ 2022 ರಲ್ಲಿ ಬೀಜಿಂಗ್ ಪಟ್ಟಣದಲ್ಲಿ ಜನಸಂಖ್ಯೆ ಕುಸಿತವಾಗಿದೆ ಎಂದು ಮಾಧ್ಯಮ ವರದಿಯೊಂದು ತಿಳಿಸಿದೆ.
ಅಧಿಕೃತ ಡೇಟಾವನ್ನು ಉಲ್ಲೇಖಿಸಿ, ಗುರುವಾರ ಸಿಎನ್‌ಎನ್‌ ವರದಿ ಮಾಡಿದ್ದು, ಚೀನಾದ ರಾಜಧಾನಿಯ ಶಾಶ್ವತ ನಿವಾಸಿಗಳ ಜನಸಂಖ್ಯೆಯು 2021 ರಲ್ಲಿ 21.88 ಮಿಲಿಯನ್‌ನಿಂದ 2022 ರಲ್ಲಿ 21.84 ಮಿಲಿಯನ್‌ಗೆ ಇಳಿದಿದೆ ಎಂದು ಹೇಳಿದೆ. ಏತನ್ಮಧ್ಯೆ, ಬೀಜಿಂಗ್‌ನಲ್ಲಿ ವಲಸಿಗರ ಸಂಖ್ಯೆಯೂ ಇದೇ ಅವಧಿಯಲ್ಲಿ ಕಡಿಮೆಯಾಗಿದೆ. ಚೀನಾದ ರಾಷ್ಟ್ರೀಯ ಜನಸಂಖ್ಯೆಯು 1961 ರ ಮಹಾ ಕ್ಷಾಮದ ನಂತರ ಮೊದಲ ಬಾರಿಗೆ ಕಳೆದ ವರ್ಷ ಕುಗ್ಗಿರುವುದು ಅಂಕಿ ಅಂಶಗಳಿದ ದೃಢಪಟ್ಟಿದೆ.
1980 ರ ದಶಕದಲ್ಲಿ ಚೀನಾ ಪರಿಚಯಿಸಿದ ಒಂದು ಮಗುವಿನ ನೀತಿಯ ಪರಿಣಾಮದಿಂದ ಯುವಕರಲ್ಲಿ ಮದುವೆ ಮುಂದೂಡುವಿಕೆ, ಲಿಂಗ ಅಸಮಾನತೆ, ದುಬಾರಿ ವೆಚ್ಚ ಇವುಗಳು ಮನೆ ಮಾಡಿದ್ದು, ಇದರಿಂದ ಜನಸಂಖ್ಯೆಯ ಇಳಿತವಾಗಿದೆ ಎಂದು ವಿಶ್ಲೇಷಣೆ ಮಾಡಲಾಗಿದೆ.
