ಧರ್ಮಶಾಲಾ: ಟಿಬೆಟ್ನಲ್ಲಿ ಒಂದು ಮಿಲಿಯನ್ ಟಿಬೆಟಿಯನ್ ಮಕ್ಕಳನ್ನು ಬಲವಂತವಾಗಿ ಚೀನೀ-ಶೈಲಿಯ ಬೋರ್ಡಿಂಗ್ ಶಾಲಾ ವ್ಯವಸ್ಥೆಗೆ ಒಳಪಡಿಸುವ ಬಗ್ಗೆ ಸ್ವಿಸ್ ಪಾರ್ಲಿಮೆಂಟರಿ ಗ್ರೂಪ್ ಫಾರ್ ಟಿಬೆಟ್ ಕಳವಳ ವ್ಯಕ್ತಪಡಿಸಿದೆ ಎಂದು ವಿಶ್ವಸಂಸ್ಥೆ ತಿಳಿಸಿದೆ.
ಪಾರ್ಲಿಮೆಂಟರಿ ಸಪೋರ್ಟ್ ಗ್ರೂಪ್ ರಾಷ್ಟ್ರೀಯ ಕೌನ್ಸಿಲರ್ಗಳ ಸಹ-ಅಧ್ಯಕ್ಷ ಆಂಡ್ರಿಯಾ ಗೈಸ್ಬುಇಹ್ಲರ್, ನಿಕ್ ಗುಗ್ಗರ್, ಫ್ಯಾಬಿಯನ್ ಮೊಲಿನಾ, ನಿಕೋಲಸ್ ವಾಲ್ಡರ್ ಮತ್ತು ಕೌನ್ಸಿಲ್ ಆಫ್ ಸ್ಟೇಟ್ಸ್ನ ಉಪಾಧ್ಯಕ್ಷ ಮಾಯಾ ಗ್ರಾಫ್ ಜಂಟಿಯಾಗಿ ಈ ಕುರಿತು ಹೇಳಿಕೆ ನೀಡಿದ್ದಾರೆ.
ಶಿಶುವಿಹಾರದ ವಯಸ್ಸಿನಿಂದ ಟಿಬೆಟಿಯನ್ ಮಕ್ಕಳನ್ನು ಬಲವಂತವಾಗಿ ಚೀನಿ ಶೈಲಿಯ ಶಿಕ್ಷಣ, ಸಾಂಸ್ಕೃತಿಕ ವ್ಯವಸ್ಥೆಗೆ ಒಳಪಡಿಸಲಾಗುತ್ತಿದೆ. ಪರಿಣಾಮವಾಗಿ, ಟಿಬೆಟಿಯನ್ ಮಕ್ಕಳು ತಮ್ಮ ಮಾತೃಭಾಷೆ ಮತ್ತು ಟಿಬೆಟಿಯನ್ ಭಾಷೆಯಲ್ಲಿ ಸಂವಹನ ಮಾಡುವ ಸಾಮರ್ಥ್ಯವನ್ನು ಕಳೆದುಕೊಳ್ಳುತ್ತಾರೆ, ಇದು ಅವರ ಟಿಬೆಟಿಯನ್ ಸಾಂಸ್ಖೃತಿಕ, ಕಲೆಯ ಅಳಿವಿಗೆ ಕಾರಣವಾಗುತ್ತದೆ ಎಂದು ಸ್ವಿಸ್ ಪಾರ್ಲಿಮೆಂಟರಿ ಗ್ರೂಪ್ ಫಾರ್ ಟಿಬೆಟ್ ಸಹ ಅಧ್ಯಕ್ಷ ನಿಕೋಲಸ್ ವಾಲ್ಡರ್ ಹೇಳಿದ್ದಾರೆ.