ನ್ಯೂಯಾರ್ಕ್: ಮುಂಬರುವ ಅಮೆರಿಕ ಅಧ್ಯಕ್ಷ ಸ್ಥಾನಕ್ಕೆ ರಿಪಬ್ಲಿಕನ್ ಪಕ್ಷದ ಅಭ್ಯರ್ಥಿ ಪಟ್ಟಿಯಲ್ಲಿರುವ ಭಾರತೀಯ-ಅಮೆರಿಕನ್ ನಿಕ್ಕಿ ಹ್ಯಾಲೆ ಅವರನ್ನು ನಿಷ್ಪ್ರಯೋಜಕ ಮತ್ತು ಅಪ್ರಬುದ್ಧ ಜೀವಿ ಎಂದು ಸಂಪ್ರದಾಯವಾದಿ ಲೇಖಕಿ ಆನ್ ಕೌಟ್ಲರ್ ಟೀಕೆ ಮಾಡಿದ್ದಾರೆ.
“ನೀವು ನಿಮ್ಮ ಸ್ವಂತ ದೇಶಕ್ಕೆ ಏಕೆ ಹಿಂತಿರುಗಬಾರದು?” ಎಂದು ಕೌಲ್ಟರ್ ಹ್ಯಾಲೆ ಅವರನ್ನು ಪ್ರಶ್ನಿಸಿದ್ದಾರೆ. ಈ ವಾರ ‘ದಿ ಮಾರ್ಕ್ ಸಿಮೋನ್ ಶೋ’ ಪಾಡ್ಕಾಸ್ಟ್ನಲ್ಲಿ ಈ ಬಗ್ಗೆ ಮಾತನಾಡಿದ್ದಾರೆ.
ಹ್ಯಾಲೆ ಫೆಬ್ರವರಿ 14 ರಂದು ತನ್ನ ಅಧ್ಯಕ್ಷೀಯ ಬಿಡ್ ಅನ್ನು ವೀಡಿಯೊ ಸಂದೇಶದಲ್ಲಿ ಘೋಷಿಸಿದ್ದರು. ಅಲ್ಲದೆ ಭಾರತೀಯ ಪರಂಪರೆಯ ಬಗ್ಗೆ ಹೆಮ್ಮೆಯಿಂದ ಮಾತನಾಡಿದ್ದರು.ʼ
ಅವರ (ಹ್ಯಾಲೆ) ಉಮೇದುವಾರಿಕೆ ನಾನು ಭಾರತಕ್ಕೆ ವಲಸೆ ಹೋಗಬೇಕಾದ ಪರಿಸ್ಥಿತಿಯನ್ನು ನೆನಪಿಸುತ್ತದೆ ಎಂದು ಕೌಟ್ಲರ್ ಹೇಳಿದ್ದಾರೆ. ಅಲ್ಲದೆ ಭಾರತದಲ್ಲಿ ಹಸುಗಳ ಪೂಜೆ ಬಗ್ಗೆಯೂ ಟೀಕೆ ಮಾಡಿದ್ದು, ಭಾರತದಲ್ಲಿ ಇಲಿಗಳನ್ನು ಪೂಜಿಸುವ ದೇವಾಲಯವಿದೆ ಎಂದು ಭಾರತದ ಸಂಪ್ರದಾಯಗಳ ಬಗ್ಗೆ ನಿಂದಿಸಿದ್ದಾರೆ.