ಅಮೇರಿಕಾ ಪೋಸ್ಟ್ ಆಫೀಸ್ ಗೆ ಭಾರತೀಯ ಅಧಿಕಾರಿಯ ಹೆಸರು

ಹ್ಯೂಸ್ಟನ್: ಅಮೆರಿಕದ ಹ್ಯೂಸ್ಟನ್ ನಗರದ ಪೋಸ್ಟಾಫೀಸ್ ಒಂದಕ್ಕೆ ಭಾರತೀಯ ಮೂಲದ ಸಿಖ್ ಪೊಲೀಸ್ ಅಧಿಕಾರಿ ಸಂದೀಪ್ ಸಿಂಗ್ ದಲಿವಾಲ್ ಅವರ ಹೆಸರನ್ನಿಟ್ಟು ಅವರಿಗೆ ಗೌರವ ಸೂಚಿಸಲಾಗಿದೆ.

ಮೂರು ಮಕ್ಕಳ ತಂದೆಯಾಗಿದ್ದ ಸಂದೀಪ್ ಸಿಂಗ್ ಹ್ಯೂಸ್ಟನ್ ನಗರದ ಟ್ರಾಫಿಕ್ ಪೊಲೀಸ್ ಅಧಿಕಾರಿಯಾಗಿ ಕರ್ತವ್ಯ ನಿರ್ವಹಿಸುತ್ತಿದ್ದರು. 2017ರಲ್ಲಿ ರಸ್ತೆಯಲ್ಲೇ ಅವರನ್ನು ದುಷ್ಕರ್ಮಿಗಳು ಗುಂಡಿಕ್ಕಿ ಹತ್ಯೆ ಮಾಡಿದ್ದರು. ಅವರ ಗೌರವಾರ್ಥ ಪೋಸ್ಟಾಫೀಸಿಗೆ ಅವರ ಹೆಸರಿಡಲಾಗಿದೆ.

ಪಗಡಿ ತೊಟ್ಟು ಪೊಲೀಸ್ ಕರ್ತವ್ಯ ನಿರ್ವಹಿಸಿದ ಮೊದಲ ವ್ಯಕ್ತಿ ಎನ್ನುವ ಕೀರ್ತಿಗೆ ಸಂದೀಪ್ ಸಿಂಗ್ ಪಾತ್ರರಾಗಿದ್ದರು. ಪಗಡಿ ಮತ್ತು ದಾಡಿ ಬಿಟ್ಟುಕೊಂಡು ಕರ್ತವ್ಯ ನಿರ್ವಹಿಸಲು ಪೊಲೀಸ್ ಇಲಾಖೆ ೨೦೧೫ರಲ್ಲಿ ಅವರಿಗೆ ಅನುಮತಿ ನೀಡಿತ್ತು. ಆಗ ದೇಶಾದ್ಯಂತ ಸಿಂಗ್ ಸುದ್ದಿಯಾಗಿದ್ದರು.