ಲಕ್ನೋ, ಏ.11: ಮುಂಬರುವ ಸ್ಥಳೀಯ ಸಂಸ್ಥೆಗಳ ಚುನಾವಣೆಗೆ ಒಬಿಸಿ ಕೋಟಾ ಒದಗಿಸಲು ಯುಪಿ ಹಿಂದುಳಿದ ವರ್ಗಗಳ ಆಯೋಗ ಸಲ್ಲಿಸಿದ ವರದಿಯು ರಾಜ್ಯದ ನಗರ ಭಾಗಗಳಲ್ಲಿ ಒಬಿಸಿಗಳು ಶೇಕಡಾ 37 ರಿಂದ 41 ರ ನಡುವೆ ಇದ್ದಾರೆ ಎಂದು ತೋರಿಸಿದೆ.
ಉತ್ತರ ಪ್ರದೇಶದ ನಗರ ಜನಸಂಖ್ಯೆ 4.78 ಕೋಟಿ ಆಗಿದ್ದು ವರದಿಯ ಪ್ರಕಾರ 1.76 ಕೋಟಿ ಒಬಿಸಿ (ಶೇ 37), ಮುಸ್ಲಿಮರು (ಶೇ 49), 65 ಲಕ್ಷ ಪರಿಶಿಷ್ಟ ಜಾತಿ (ಶೇ 14) ಮತ್ತು 1.03 ಲಕ್ಷ ಪರಿಶಿಷ್ಟ ಪಂಗಡ ಸೇರಿದಂತೆ ಸಾಮಾನ್ಯ ವರ್ಗದ 2.4 ಕೋಟಿ ಜನರಿದ್ದಾರೆ.
ಒಬಿಸಿಗಳ ಆರ್ಥಿಕ ಸ್ಥಿತಿ ಉತ್ತಮವಾಗಿಲ್ಲ ಮತ್ತು ಸಮುದಾಯವು ಸಾಮಾಜಿಕ ಮತ್ತು ಶೈಕ್ಷಣಿಕವಾಗಿ ಹಲವು ಸಮಸ್ಯೆಗಳನ್ನು ಎದುರಿಸುತ್ತಿದೆ ಎಂದು ಆಯೋಗ ಹೇಳಿದ್ದು, ಈ ನಿಟ್ಟಿನಲ್ಲಿ ಶೇಕಡಾ 27 ರಷ್ಟು ಮೀಸಲಾತಿ ಅಗತ್ಯ ಎಂದು ಸಮಿತಿ ಹೇಳಿದೆ.
