ಚೆನ್ನೈ: ತಮಿಳುನಾಡಿನ ತೂತುಕುಡಿ ಜಿಲ್ಲೆಯ ವೀಳ್ಯದೆಲೆಗೆ ಇತ್ತೀಚೆಗೆ ಭೌಗೋಳಿಕ ಸೂಚಕ (ಜಿಐ) (ಜಿಯೋಗ್ರಫಿಕಲ್ ಐಡೆಂಟಿಫಿಕೇಶನ್) ಪ್ರಮಾಣಪತ್ರ ದೊರೆತಿದೆ.
ತಮಿಳುನಾಡು ರಾಜ್ಯ ಕೃಷಿ ಮಾರುಕಟ್ಟೆ ಮಂಡಳಿ ಮತ್ತು ನಬಾರ್ಡ್ ಮಧುರೈ ಅಗ್ರಿಬಿಸಿನೆಸ್ ಇನ್ಕ್ಯುಬೇಶನ್ ಫೋರಮ್ ಜಿಐ ಟ್ಯಾಗ್ ನೀಡಿ ಗೌರವಿಸಿದೆ. ತೂತುಕುಡಿ ಜಿಲ್ಲೆಯ ವೀಳ್ಯದೆಲೆ ಬೆಳೆಗಾರರು ವಟ್ಟಾರ ವೆಟ್ರಿಲೈ ವಿವಸೈಗಲ್ ಸಂಗಮ್ ಹೆಸರಿನಲ್ಲಿ ಬೆಳಗಾರರ ಸಂಘವನ್ನು ನೋಂದಣಿ ಮಾಡಿಕೊಂಡಿದ್ದು, ಇದೀಗ ಸಂಘಕ್ಕೆ ಜಿಐ ಟ್ಯಾಗ್ ದೊರೆತಿದೆ. 13 ನೇ ಶತಮಾನದ ಪ್ರವಾಸಿಗ ಮಾರ್ಕೊ ಪೋಲೊ ಅವರ ಕೃತಿ ‘ದಿ ವೆನಿಷಿಯನ್’ ನಲ್ಲಿ ‘ವೆಟ್ರಿಲೈ’ ಎಂದು ಕರೆಯಲ್ಪಡುವ ವೀಳ್ಯದೆಲೆ ಕುರಿತು ಉಲ್ಲೇಖಗಳಿವೆ.
ಈ ವೀಳ್ಯದೆಲೆ ವಿಶಿಷ್ಟ ರುಚಿಯನ್ನು ಹೊಂದಿದ್ದು, ರಾಷ್ಟ್ರ ಮತ್ತು ಅಂತಾರಾಷ್ಟ್ರೀಯ ಮಾರುಕಟ್ಟೆಗಳಲ್ಲಿ ಮಾರಾಟಕ್ಕೆ ಚಿಂತಿಸಲಾಗಿದೆ ಎಂದು ತೂತುಕುಡಿ ಜಿಲ್ಲಾಡಳಿತದ ಮೂಲಗಳು ಐಎಎನ್ಎಸ್ಗೆ ತಿಳಿಸಿವೆ.