ಥಾಣೆ: ತನ್ನ ಪ್ರೇಮ ನಿವೇದನೆಯನ್ನು ತಿರಸ್ಕರಿಸಿದ ಯುವತಿ ಮೇಲೆ ಆಸಿಡ್ ಎರಚಿದ ಆರೋಪದ ಮೇರೆಗೆ ಭಗ್ನ ಪ್ರೇಮಿಯೊಬ್ಬನನ್ನು ಪೊಲೀಸರು ಬಂಧಿಸಿದ್ದಾರೆ ಎಂದು ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.ಈ ವ್ಯಕ್ತಿ ಡಿಸೆಂಬರ್ 22ರಂದು ಆಕೆಯ ಮೇಲೆ ಆಸಿಡ್ ದಾಳಿಗೆ ಪ್ರಯತ್ನಿಸಿದ್ದು, ಆ ಮಹಿಳೆ ಗಾಯಗೊಳ್ಳದೆ ಪಾರಾಗಿದ್ದಾಳೆ.
ಥಾಣೆ ಜಿಲ್ಲೆಯ ಭಿವಂಡಿ ಪಟ್ಟಣದಲ್ಲಿ ಕಲ್ಲು ಒಡೆಯುವ ಕೆಲಸ ಮಾಡುವ ಮೊಹಮ್ಮದ್ ಇಕ್ಬಾಲ್ ಸಿಕಂದರ್ ಅನ್ಸಾರಿ ಎಂಬಾತ ಆರೋಪಿಯಾಗಿದ್ದು, ಈತ 20 ವರ್ಷ ವಯಸ್ಸಿನ ಯುವತಿಯನ್ನು ಪ್ರೀತಿಸುತ್ತಿದ್ದ.
ಆದರೆ, ಆಕೆ ಇವನ ಭಾವನೆಗಳಿಗೆ ಸ್ಪಂದಿಸಿರಲಿಲ್ಲ ಎಂದು ಶಾಂತಿನಗರ ಪೊಲೀಸ್ ಠಾಣೆಯ ಅಧಿಕಾರಿಯೊಬ್ಬರು ಹೇಳಿದ್ದಾರೆ.ಇದರಿಂದ ಆಕ್ರೋಶಗೊಂಡಿದ್ದ ಈ ವ್ಯಕ್ತಿ ಡಿಸೆಂಬರ್ 22ರಂದು ಆಕೆಯ ಮೇಲೆ ಆಸಿಡ್ ದಾಳಿಗೆ ಪ್ರಯತ್ನಿಸಿದ್ದು, ಆ ಮಹಿಳೆ ಗಾಯಗೊಳ್ಳದೆ ಪಾರಾಗಿದ್ದಾಳೆ.
ಜೊತೆಗೆ ಆಪಾದಿತನು ಈ ಮಹಿಳೆಯ ತಂದೆಯನ್ನು ನಿಂದಿಸಿ ಅವರ ಸ್ಕೂಟರನ್ನು ಜಖಂಗೊಳಿಸಿದ್ದಾನೆ ಎಂದು ಆರೋಪಿಸಲಾಗಿದೆ.
ಮಹಿಳೆಯ ತಂದೆ ನೀಡಿದ ದೂರಿನ ಮೇರೆಗೆ ಆರೋಪಿಯನ್ನು ಪೊಲೀಸರು ಬಂಧಿಸಿದ್ದಾರೆ ಎಂದು ಅಧಿಕಾರಿ ತಿಳಿಸಿದ್ದಾರೆ