ಯಮುನಾ ನದಿ ಪ್ರವಾಹ ದೆಹಲಿಯ ಹಲವು ಭಾಗಗಳು ಜಲಾವೃತ

ನವದೆಹಲಿ: ಯಮುನಾ ನದಿಯ ನೀರಿನ ಮಟ್ಟದಲ್ಲಿ ಇಳಿಕೆಯಾಗಿದ್ದರೂ, ದೆಹಲಿಯ ಕೆಲವು ಭಾಗಗಳು ಶನಿವಾರ ಜಲಾವೃತಗೊಂಡಿವೆ.

ಶನಿವಾರ ಬೆಳಗಿನ ಹೊತ್ತಿಗೆ, ನೀರಿನ ಮಟ್ಟವು 207.53 ಮೀಟರ್‌ ಇತ್ತು. ಆದರೆ ಐಟಿಒ, ರಾಜ್‌ಘಾಟ್, ಐಎಸ್‌ ಬಿಟಿ, ಮಥುರಾ ರಸ್ತೆಗಳು ಇನ್ನೂ ಮುಳುಗಡೆಯಾಗಿವೆ. ಯಮುನಾ ನದಿಯು 45 ವರ್ಷಗಳ ಹಿಂದಿನ ದಾಖಲೆಯನ್ನು ಮುರಿದು ಗುರುವಾರ 208.65 ಮೀಟರ್‌ಗಳ ಗರಿಷ್ಠ ಮಟ್ಟವನ್ನು ತಲುಪಿತ್ತು. ರಾಜಧಾನಿಯ ಇತರ ಪ್ರಮುಖ ಪ್ರದೇಶಗಳಾದ ಮುಖರ್ಜಿ ನಗರ, ಮಾಡೆಲ್ ಟೌನ್, ಸಿವಿಲ್ ಲೈನ್ಸ್ ಮತ್ತು ಮಜ್ನು ಕಾ ತಿಲಾ ಕೂಡ ಜಲಾವೃತಗೊಂಡಿವೆ.

ಗುರುವಾರ ಕೇಜ್ರಿವಾಲ್ ನಿವಾಸದ ಬಳಿ ನೀರು ಉಕ್ಕಿ ಹರಿಯುತ್ತಿತ್ತು.