ದೆಹಲಿ : ರಾಷ್ಟ್ರರಾಜಧಾನಿ ದೆಹಲಿಯಲ್ಲಿ ಕೊರೋನಾ ಮೂರನೇ ಅಲೆಯ ಭೀತಿ ಹೆಚ್ಚಾಗುತ್ತಿದ್ದು, ರಾಜ್ಯದ ಶೇ.28ರಷ್ಟು ಮನೆಗಳಲ್ಲಿ ಶೀತ, ಜ್ವರ ರೋಗ ಲಕ್ಷಣಗಳಿಂದ ಬಳಲುತ್ತಿರುವವರು ಇದ್ದಾರೆ ಎಂದು ವರದಿ ತಿಳಿಸಿದೆ.
ಕೊರೋನಾ ಸೋಂಕಿನ ಲಕ್ಷಣಗಳು ಎಲ್ಲರಲ್ಲೂ ಕಾಡುತ್ತಿರುವುದು ಮೂರನೇ ಅಲೆಯ ಆತಂಕ ಸೃಷ್ಟಿಸಿದ್ದು, ಸೋಂಕು ಹರಡದಂತೆ ತಡೆಯಲು ಸೂಕ್ತ ಕ್ರಮ ಕೈಗಳ್ಳುವಂತೆ ದೆಹಲಿ ಸರ್ಕಾರಕ್ಕೆ ವಿಪತ್ತು ನಿರ್ವಹಣಾ ಪ್ರಾಧಿಕಾರ ಸೂಚಿಸಿದೆ.
ಶೇ. 6 ರಷ್ಟು ಜನರು ಜ್ವರ ರೀತಿಯ ಲಕ್ಷಣ ಹೊಂದಿದ್ದು, ಶೇ. 11 ರಷ್ಟು ಮಂದಿಗೆ ಶೀತ, ಕೆಮ್ಮು ರೀತಿಯ ರೋಗ ಲಕ್ಷಣಗಳು ಕಾಣಿಸಿಕೊಂಡಿದೆ. ಸಮೀಕ್ಷೆ ನಡೆಸಿದ ಮನೆಗಳಲ್ಲಿ ಶೇ.72ರಷ್ಟು ಜನರ ಮನೆಯಲ್ಲಿ ಎಲ್ಲರೂ ಆರೋಗ್ಯವಾಗಿದ್ದಾರೆ.
ಬಹುತೇಕರು ಕೋವಿಡ್ ಲಕ್ಷಣ ಹೊಂದಿದ್ದು, ಆರ್ಟಿಪಿಸಿಆರ್ ಪರೀಕ್ಷೆಯ ಬಳಿಕ ಅವರಿಗೆ ನೆಗೆಟಿವ್ ಎಂದು ಬಂದಿದ್ದು, ಜನರು ಕೊಂಚ ನಿಟ್ಟುಸಿರು ಬಿಡುವಂತಾಗಿದೆ.