ಸಿಲ್ಚಾರ್: ಅಸ್ಸಾಂನಲ್ಲಿ ಮೂವರು ಗಾಂಜಾ ಕಳ್ಳಸಾಗಣೆದಾರರ ಬಂಧನ

ಸಿಲ್ಚಾರ್: ಅಸ್ಸಾಂನ ಸಿಲ್ಚಾರ್ ಪಟ್ಟಣದಲ್ಲಿ  ಮೂವರು ಗಾಂಜಾ ಕಳ್ಳಸಾಗಣೆದಾರರನ್ನು ಬಂಧಿಸಲಾಗಿದ್ದು, ಅವರ ಬಳಿಯಿಂದ 50 ಕೆಜಿ ಗಾಂಜಾವನ್ನು ವಶಪಡಿಸಿಕೊಳ್ಳಲಾಗಿದೆ ಎಂದು ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.

ಬಂಧಿತರನ್ನು ಪಾಟ್ನಾ ಮೂಲದ ಸಿಕಂದರ್ ಕುಮಾರ್, ಧರ್ಮೇಂದ್ರ ಕುಮಾರ್ ಮತ್ತು ಅರ್ಮಾನ್ ಸೆಮೈ ಎಂದು ಗುರುತಿಸಲಾಗಿದೆ.

ಈ ಮೂವರು ಪಟ್ಟಣದ ತಾರಾಪುರ ಪ್ರದೇಶದ ಫ್ಲೈಓವರ್ ಪಕ್ಕದ ಹನುಮಾನ್ ದೇವಾಲಯದ ಬಳಿ ತಿರುಗಾಡುತ್ತಿದ್ದರು ಎಂದು ಪೊಲೀಸ್ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ. ಅವರು ಈ ಪ್ರದೇಶದಲ್ಲಿ ಇರುವ ಬಗ್ಗೆ ಸುಳಿವು ನೀಡಿದ ನಂತರ ಬಿಎಸ್ಎಫ್ ಗುಪ್ತಚರ ವಿಭಾಗ ಮತ್ತು ಪೊಲೀಸರು ಕಳ್ಳಸಾಗಣೆದಾರರನ್ನು ಬಂಧಿಸಲು ಕಾರ್ಯಾಚರಣೆ ನಡೆಸಿದರು.

ಅವರಿಂದ ವಶಪಡಿಸಿಕೊಳ್ಳಲಾದ ಗಾಂಜಾವನ್ನು ೩೬ ಪ್ಯಾಕೆಟ್ ಗಳಲ್ಲಿ ಸುತ್ತಲಾಗಿತ್ತು. ಪೊಲೀಸರ ಪ್ರಕಾರ, ಅವರು ಅಗರ್ತಲಾದಿಂದ ರೈಲಿನಲ್ಲಿ ಗಾಂಜಾವನ್ನು ತಂದಿದ್ದರು.