ಭೋಪಾಲ್: ಮೈದಾನದಲ್ಲಿ ಆಟವಾಡುತ್ತಿದ್ದ 6 ವರ್ಷದ ಬಾಲಕನ ಮೇಲೆ ಬೀದಿ ನಾಯಿಗಳು ಕಚ್ಚಿ ಕೊಂದು ಹಾಕಿದ ಘಟನೆ ಶುಕ್ರವಾರ ಭೋಪಾಲ್ ನ ಅವದ್ ಪುರಿಯಲ್ಲಿ ನಡೆದಿದೆ. ಮೃತ ಬಾಲಕನನ್ನು 6 ವರ್ಷದ ಸಂಜು ಎಂದು ಗುರುತಿಸಲಾಗಿದೆ.
ಮನೆಯಿಂದ 300 ಮೀಟರ್ ದೂರದಲ್ಲಿರುವ ಮೈದಾನದಲ್ಲಿ ಆಟವಾಡುತ್ತಿದ್ದ ವೇಳೆ 12ಕ್ಕೂ ಅಧಿಕ ನಾಯಿಗಳು ಕಚ್ಚಿ ಸಂಜುವನ್ನು ಕೊಂದು ಹಾಕಿದೆ.
ಬಾಲಕನ ತಾಯಿ ನಾಯಿಯಿಂದ ಮಗನನ್ನು ರಕ್ಷಣೆ ಮಾಡಲು ಹೋದರು ಅದು ಸಾಧ್ಯವಾಗಿಲ್ಲ.
ಬಾಲಕ ತಾಯಿ ಕಳೆದ ತಿಂಗಳು ಎರಡನೇ ಮಗುವಿಗೆ ಜನ್ಮ ನೀಡಿ, ಶಸ್ತ್ರಚಿಕಿತ್ಸೆಗೆ ಒಳಗಾಗಿದ್ದರು. ಇದರಿಂದ ಮನೆಯಲ್ಲೇ ಅವರು ವಿಶ್ರಾಂತಿಯನ್ನು ಪಡೆದುಕೊಳ್ಳುತ್ತಿದ್ದರು.
ಕೆಲಸ ಮುಗಿಸಿ ಬಂದ ಗಂಡ ಮಗನ ಬಗ್ಗೆ ವಿಚಾರಿಸಿದ್ದಾರೆ. ಈ ವೇಳೆ ತಾಯಿ ಮಗನನ್ನು ಹುಡುಕಿಕೊಂಡು ಮೈದಾನಕ್ಕೆ ಹೋಗಿದ್ದಾಳೆ. ಈ ವೇಳೆ ಸಂಜು ಸುತ್ತಾ 12ಕ್ಕೂ ಅಧಿಕ ಬೀದಿ ನಾಯಿಗಳು ದಾಳಿ ನಡೆಸುತ್ತಿದ್ದವು. ರಕ್ಷಣೆಗೆ ಜೋರಾಗಿ ಕೂಗಿ ಮನೆಯವರನ್ನು ಕರೆತರಲು ಹೋಗಿದ್ದಾಳೆ. ಬಾಲಕನನ್ನು ಆಸ್ಪತ್ರೆಗೆ ಕರೆದುಕೊಂಡು ಹೋದರು ವೈದ್ಯರು ಬಾಲಕ ಈಗಾಗಲೇ ಸಾವನ್ನಪ್ಪಿದ್ದಾನೆ ಎಂದು ಘೋಷಿಸಿದ್ದಾರೆ.