ಚಿಕ್ಕಮಗಳೂರು: ನಮ್ಮನ್ನು ನೋಡಿ ಜನ ಹೆದರಬೇಕೆಂದು ಇನ್ಸ್ಟಾದಲ್ಲಿ ಲಾಂಗ್ ಹಿಡಿದಿರೋ ವಿಡಿಯೋ ಪೋಸ್ಟ್ ಮಾಡಿದ್ದ ಇಬ್ಬರು ಕಿಡಿಗೇಡಿಗಳನ್ನು ಸಿನಿಮೀಯಾ ರೀತಿಯಲ್ಲಿ ಕಾರು ಅಡ್ಡಗಟ್ಟಿ ಪೊಲೀಸರು ಅರೆಸ್ಟ್ ಮಾಡಿರುವ ಘಟನೆ ಎನ್ಆರ್ ಪುರ ತಾಲೂಕಿನ ಸೌತಿಕೆರೆ ಗ್ರಾಮದ ಬಳಿ ನಡೆದಿದೆ.
ಎನ್.ಆರ್ ಪುರ ಪಟ್ಟಣದ ಮೆಕ್ಯಾನಿಕ್ ಸೈಯದ್ ಸಲ್ಮಾನ್ (22), ಮೊಹಮ್ಮದ್ ಸಾಧಿಕ್ (25) ಬಂಧಿತ ಯುವಕರು. ನಮ್ಮನ್ನು ನೋಡಿ ಜನರು ಹೆದರಬೇಕೆಂದು ಈ ಇಬ್ಬರು ಲಾಂಗ್ ಅನ್ನು ತೋರಿಸುತ್ತಿದ್ದರು. ಜನರಿಗೆ ಹೆದರಿಕೆ ಬರೋ ರೀತಿ ತಲ್ವಾರ್ ಹಿಡಿದು ಸುತ್ತಾಡುತ್ತಿದ್ದರು. ಎಲ್ಲಿಗಾದರು ಕಾರಿನಲ್ಲಿ ಹೋಗುವಾಗ ಲಾಂಗ್ಗಳ ಸಮೇತ ಹೋಗುತ್ತಿದ್ದರು.
ಈ ಸಂಬಂಧ ಸಾರ್ವಜನಿಕರ ಮಾಹಿತಿ ಮೇರೆಗೆ ಎನ್.ಆರ್ ಪುರ ಠಾಣೆಯ ಪೊಲೀಸರು ಕಾರ್ಯಾಚರಣೆ ಕೈಗೊಂಡಿದ್ದರು. ಕಾರಿನಲ್ಲಿ ಲಾಂಗ್ಗಳನ್ನ ಇಟ್ಟುಕೊಂಡು ಓಡಾಟ ನಡೆಸುವಾಗ ಪೊಲೀಸರು ಸಿನಿಮೀಯ ರೀತಿ ಕಾರನ್ನು ಅಡ್ಡ ಗಟ್ಟಿದ್ದಾರೆ. ಬಳಿಕ ಇಬ್ಬರನ್ನು ಬಂಧಿಸಿದ್ದಾರೆ.
Ad
