ನವದೆಹಲಿ: ಜನಪ್ರಿಯ ಮೈಕ್ರೋ-ಬ್ಲಾಗಿಂಗ್ ಪ್ಲಾಟ್ಫಾರ್ಮ್ ʻಎಕ್ಸ್ʼ ಭಾರತದಲ್ಲಿ ಸೆಪ್ಟೆಂಬರ್ 26 ರಿಂದ ಅಕ್ಟೋಬರ್ 25 ರವರೆಗೆ 234,584 ಖಾತೆಗಳನ್ನಿ ನಿಷೇಧಿಸಿದೆ. ಈ ನಿಷೇಧಗಳಲ್ಲಿ ಹೆಚ್ಚಿನವು ಮಕ್ಕಳ ಲೈಂಗಿಕ ಶೋಷಣೆ ಮತ್ತು ಒಪ್ಪಿಗೆಯಿಲ್ಲದ ನಗ್ನತೆಯ ಪ್ರಚಾರವೇ ಇದಕ್ಕೆ ಕಾರಣವಾಗಿದೆ ಎನ್ನಲಾಗಿದೆ.
ಎಲಾನ್ ಮಸ್ಕ್ ನಡೆಸುತ್ತಿರುವ ಸಾಮಾಜಿಕ ಮಾಧ್ಯಮ ವೇದಿಕೆಯು ದೇಶದಲ್ಲಿ ಭಯೋತ್ಪಾದನೆಯನ್ನು ಉತ್ತೇಜಿಸುವ 2,755 ಖಾತೆಗಳನ್ನು ತೆಗೆದುಹಾಕಿದೆ. ಒಟ್ಟಾರೆಯಾಗಿ, ಎಕ್ಸ್ ಭಾರತದಲ್ಲಿ ಈ ವರದಿಯ ಅವಧಿಯಲ್ಲಿ 237,339 ಖಾತೆಗಳ ವಿರುದ್ಧ ಕ್ರಮ ಕೈಗೊಂಡಿದೆ.
ತನ್ನ ಮಾಸಿಕ ವರದಿಯಲ್ಲಿ, ಹೊಸ ಐಟಿ ನಿಯಮಗಳು 2021 ಅನ್ನು ಅನುಸರಿಸಿ, ತನ್ನ ಕುಂದುಕೊರತೆ ಪರಿಹಾರ ಕಾರ್ಯವಿಧಾನಗಳ ಮೂಲಕ ನಿರ್ದಿಷ್ಟ ಸಮಯದ ಚೌಕಟ್ಟಿನಲ್ಲಿ ಭಾರತದಲ್ಲಿ 3,229 ಬಳಕೆದಾರರ ದೂರುಗಳನ್ನು ಪರಿಹರಿಸಿದೆ ಎಂದು ಎಕ್ಸ್ ಬಹಿರಂಗಪಡಿಸಿದೆ.