ಪಾಟ್ನಾ: ಬಿಹಾರ ಮುಜಾಫರ್ಪುರದ ಸಾಮಾಜಿಕ ಕಾರ್ಯಕರ್ತರೊಬ್ಬರು ಭಾರತೀಯ ಕ್ರಿಕೆಟ್ ತಂಡದ ಮಾಜಿ ನಾಯಕ ಮತ್ತು ಬಿಸಿಸಿಐ ಅಧ್ಯಕ್ಷ ಸೌರವ್ ಗಂಗೂಲಿ, ಕ್ರಿಕೆಟಿಗರಾದ ರೋಹಿತ್ ಶರ್ಮಾ, ಹಾರ್ದಿಕ್ ಪಾಂಡ್ಯ, ನಟ ಅಮೀರ್ ಖಾನ್ ಮತ್ತು ಇತರರು ಆನ್ಲೈನ್ ಜೂಜಾಟವನ್ನು ಪ್ರೋತ್ಸಾಹಿಸುತ್ತಾರೆ ಎಂದು ಆರೋಪಿಸಿ ಜಿಲ್ಲಾ ನ್ಯಾಯಾಲಯದಲ್ಲಿ ಸಾರ್ವಜನಿಕ ಹಿತಾಸಕ್ತಿ ಅರ್ಜಿ (ಪಿಐಎಲ್) ಸಲ್ಲಿಸಿದ್ದಾರೆ.
ಈ ಕ್ರೀಡಾಪಟುಗಳು ಮತ್ತು ನಟರು ಐಪಿಎಲ್ಗೆ ಸಂಬಂಧಿಸಿದ ವಿವಿಧ ಆನ್ಲೈನ್ ಗೇಮ್ಗಳ ಮೂಲಕ ಜೂಜಾಟದಲ್ಲಿ ತೊಡಗಿಕೊಳ್ಳುವಂತೆ ಯುವಕರನ್ನು ತಪ್ಪು ದಾರಿಗೆ ಎಳೆಯುತ್ತಿದ್ದಾರೆ ಎಂದು ಅರ್ಜಿಯಲ್ಲಿ ತಮ್ಮನಾ ಹಶ್ಮಿ ಎಂಬುವರು ವಿವರಿಸಿದ್ದಾರೆ. ಆನ್ಲೈನ್ ಜೂಜಾಟಗಳು ಆಕರ್ಷಕ ಬಹುಮಾನಗಳ ಆಮಿಷವೊಡ್ಡಿ ಯುವಕರನ್ನು ಜೂಜಾಟದ ಚಟಕ್ಕೆ ಬೀಳುವಂತೆ ಮಾಡುತ್ತಿದೆ ಅರ್ಜಿಯಲ್ಲಿ ತಿಳಿಸಿದ್ದಾರೆ. ಈ ಪ್ರಕರಣದ ಮುಂದಿನ ವಿಚಾರಣೆಯನ್ನು ಏಪ್ರಿಲ್ 22 ರಂದು ನಿಗದಿಪಡಿಸಲಾಗಿದೆ. ಹಶ್ಮಿ ಅವರು ಈ ಹಿಂದೆ ಹಲವಾರು ವಿಷಯಗಳ ಮೇಲೆ ಪ್ರಮುಖ ವ್ಯಕ್ತಿಗಳ ವಿರುದ್ಧ ಪಿಐಎಲ್ಗಳನ್ನು ಸಲ್ಲಿಸಿದ್ದಾರೆ.