ಪಾಟ್ನಾ: ಬಿಹಾರದ ಮುಜಾಫರ್ಪುರ ಜಿಲ್ಲೆಯಲ್ಲಿ ಕಳ್ಳರು ಮೊಬೈಲ್ ಟವರ್ ಅನ್ನು ಕದ್ದಿದ್ದಾರೆ ಎಂದು ಪೊಲೀಸರು ಶುಕ್ರವಾರ ತಿಳಿಸಿದ್ದಾರೆ.
ನಗರದ ಸದರ್ ಪೊಲೀಸ್ ಠಾಣೆ ವ್ಯಾಪ್ತಿಯ ಶ್ರಮಜೀವಿ ನಗರದಲ್ಲಿರುವ ಮನೀಶಾ ಕುಮಾರಿ ಎಂಬುವವರ ಮನೆಯಲ್ಲಿ ಜಿಟಿಎಎಲ್ ಕಂಪನಿಗೆ ಸೇರಿದ ಮೊಬೈಲ್ ಟವರ್ ಅಳವಡಿಸಲಾಗಿತ್ತು.
ಕಂಪನಿಯ ಅಧಿಕಾರಿಗಳು ಮನೀಶಾ ಕುಮಾರಿ ಅವರ ಮನೆಗೆ ಬಂದು ಪರಿಶೀಲಿಸಿದಾಗ ಮೊಬೈಲ್ ಫೋನ್ ಟವರ್ ನಾಪತ್ತೆಯಾಗಿದೆ. ಜನರೇಟರ್ ಸೆಟ್, ಶೆಲ್ಟರ್ ಮತ್ತು ಸ್ಟೆಬಿಲೈಸರ್ ಕೂಡ ಸ್ಥಳದಿಂದ ಕಾಣೆಯಾಗಿದೆ. ಕಂಪನಿಯ ಅಧಿಕಾರಿ ಶಹನವಾಜ್ ಅನ್ವರ್ ಜಿಲ್ಲೆಯ ಸದರ್ ಪೊಲೀಸ್ ಠಾಣೆಯಲ್ಲಿ ಅಪರಿಚಿತ ವ್ಯಕ್ತಿಗಳ ವಿರುದ್ಧ ಎಫ್ಐಆರ್ ದಾಖಲಿಸಿದ್ದಾರೆ.
ತನಿಖೆಯ ಸಂದರ್ಭದಲ್ಲಿ, ಕೆಲವು ವ್ಯಕ್ತಿಗಳು ಜಿಟಿಎಎಲ್ನ ಉದ್ಯೋಗಿಗಳೆಂದು ಹೇಳಿಕೊಂಡು ಕೆಲವು ತಿಂಗಳ ಹಿಂದೆ ಬಂದು ಮೊಬೈಲ್ ಟವರ್ ಕಾರ್ಯನಿರ್ವಹಿಸುತ್ತಿಲ್ಲ ಮತ್ತು ಆದ್ದರಿಂದ ಅದನ್ನು ತೆಗೆದುಹಾಕುತ್ತಿದ್ದೇವೆ ಎಂದು ಹೇಳಿದರು ಎಂದು ಮನೀಶಾ ಕುಮಾರಿ ಪೊಲೀಸರಿಗೆ ತಿಳಿಸಿದ್ದಾರೆ. ಅವರು ಎಲ್ಲಾ ಉಪಕರಣಗಳನ್ನು ತೆಗೆದು ಪಿಕ್ ಅಪ್ ವ್ಯಾನ್ಗೆ ತುಂಬಿಸಿ ತೆಗೆದುಕೊಂಡು ಹೋಗಿದ್ದರು. ಸಲಕರಣೆಗಳ ಮೌಲ್ಯ 4.5 ಲಕ್ಷ ರೂ. ಎಂದು ಅಂದಾಜಿಸಲಾಗಿದೆ. ಬಿಹಾರದಲ್ಲಿ ಈ ಹಿಂದೆಯೂ ಇದೇ ಮಾದರಿಯಲ್ಲಿ ಪಾಟ್ನಾದ ಸಬ್ಜಿ ಬಾಗ್ ಪ್ರದೇಶದಲ್ಲಿ ಮೊಬೈಲ್ ಟವರ್ ಕಳ್ಳತನವಾಗಿತ್ತು