ಚೆನ್ನೈ: ರಿಲಯನ್ಸ್ ಇಂಡಸ್ಟ್ರೀಸ್ ಅಧ್ಯಕ್ಷ ಮುಖೇಶ್ ಅಂಬಾನಿ 82 ಶತಕೋಟಿ ಡಾಲರ್ ಸಂಪತ್ತನ್ನು ಹೊಂದಿರುವ ವಿಶ್ವದ ಅಗ್ರ 10 ಶ್ರೀಮಂತ ವ್ಯಕ್ತಿಗಳ ಪಟ್ಟಿಯಲ್ಲಿ ಮುಂದುವರಿದಿದ್ದಾರೆ. 2023 ಹುರುನ್ ಜಾಗತಿಕ ಶ್ರೀಮಂತರ ಪಟ್ಟಿಯಲ್ಲಿ ಅಂಬಾನಿ ದಿಗ್ವಿಜಯ ಯಾತ್ರೆ ಮುಂದುವರಿದಿದ್ದು, ಸತತ ಮೂರನೆ ವರ್ಷ ಏಷ್ಯಾದ ಶ್ರೀಮಂತರ ಪಟ್ಟಿಯಲ್ಲಿ ಮೊದಲ ಸ್ಥಾನ ಪಡೆದಿದ್ದಾರೆ.
ಆದರೆ ಗೌತಮ್ ಅದಾನಿ ಮತ್ತು ಕುಟುಂಬವು ವಿಶ್ವದ ಶ್ರೀಮಂತರ ಪಟ್ಟಿಯಲ್ಲಿ ಕಳೆದ ವರ್ಷ ಎರಡನೇ ಸ್ಥಾನ ಪಡೆದಿದ್ದು, ಈ ಸಾಲಿನಲ್ಲಿ 23ನೇ ಸ್ಥಾನಕ್ಕೆ ಕುಸಿದಿದೆ. ಜನವರಿಯಲ್ಲಿ ಹಿಂಡೆನ್ಬರ್ಗ್ನ ವರದಿಯು ಅದಾನಿ ಸಂಪತ್ತು ಇಳಿಕೆಗೆ ಕಾರಣವಾಯಿತು.
ಅಗ್ರ ಶ್ರೀಮಂತರ ಪಟ್ಟಿಯಲ್ಲಿ ಭಾರತೀಯರು: ವಿಶ್ವದ ಅಗ್ರ 50 ಶ್ರೀಮಂತರಲ್ಲಿ ಸ್ಥಾನ ಪಡೆದಿರುವ ಇತರ ಭಾರತೀಯ ಬಿಲಿಯನೇರ್ಗಳೆಂದರೆ ಸೈರಸ್ ಪೂನವಾಲಾ (ಜಾಗತಿಕ ಶ್ರೇಣಿ 46, ಸಂಪತ್ತು $27 ಶತಕೋಟಿ), ಮತ್ತು ಶಿವ ನಾಡರ್ ಮತ್ತು ಕುಟುಂಬ (50, $26 ಬಿಲಿಯನ್) ಅವರು ಇದ್ದಾರೆ. ಪೂನಾವಾಲ ಅವರ ಸಂಪತ್ತು ಶೇಕಡಾ 4 ರಷ್ಟು ಏರಿಕೆಯಾಗಿದೆ. ಚೀನಾ ಮತ್ತು ಯುಎಸ್ನಂತಹ ದೇಶಗಳು ಕ್ರಮವಾಗಿ 178 ಮತ್ತು 123 ಬಿಲಿಯನೇರ್ಗಳನ್ನು ಹೊಂದಿದ್ದರೆ, ಭಾರತವು 41 ಬಿಲಿಯನೇರ್ಗಳನ್ನು ಹೊಂದಿದೆ. ಬಿಲಿಯನೇರ್ಗಳ ಸಂಖ್ಯೆಗೆ ಸಂಬಂಧಿಸಿದಂತೆ, ಭಾರತವು ಪಟ್ಟಿಯಲ್ಲಿ ಆರನೇ ಸ್ಥಾನವನ್ನು ಪಡೆದುಕೊಂಡಿದೆ.