ಮೈಸೂರು: ಸದಾ ಸುದ್ದಿಯಲ್ಲಿರುವ ನಟಿ ರಾಖಿ ಸಾವಂತ್ ಜೈಲಿನಲ್ಲಿರುವ ತನ್ನ ಪತಿ ಆದಿಲ್ ಖಾನ್ ಕಳಿಸಿರುವ ಮೇಸೇಜ್ ಓದಿ ಕೆಂಡಾಮಂಡಲವಾಗಿದ್ದು, ಗಂಡನ ವಿರುದ್ಧ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.
ರಾಖಿ ಸಾವಂತ್ ಮೈಸೂರಿನ ಉದ್ಯಮಿ ಆದಿಲ್ ಖಾನ್ ಅವರನ್ನು ಮದುವೆಯಾಗಿ ಅಚ್ಚರಿ ನೀಡಿದ್ದರು. ಇದಾದ ನಂತರ ಇವರ ನಡುವೆ ಸಂಬಂಧ ಹಳಸಿ ಹೋಗಿ ಆತನ ವಿರುದ್ಧ ದೂರು ನೀಡಿದ ಪರಿಣಾಮ ಆತ ಜೈಲಿನಲ್ಲಿದ್ದಾನೆ. ಆದರೆ ಆತ ಜೈಲಿನಲ್ಲಿದ್ದುಕೊಂಡೇ ರಾಖಿಗೆ ಮೆಸೇಜ್ ಕಳಿಸಿ ನಾವಿಬ್ಬರೂ ಹಳೆಯದನ್ನು ಮರೆತು ಮತ್ತೆ ಜತೆಯಾಗಿರೋಣ ಎಂದಿದ್ದಾನಂತೆ. ಆದರೆ ಆತ ನಂಬಿಕೆಗೆ ಅರ್ಹನಲ್ಲದ ವ್ಯಕ್ತಿ ಎಂಬುದು ರಾಖಿಯ ಆರೋಪವಾಗಿದೆ.
ಇಷ್ಟಕ್ಕೂ ರಾಖಿಸಾವಂತ್ ಗೆ ಜೈಲಿನಲ್ಲಿರುವ ಗಂಡ ಆದಿಲ್ ಖಾನ್ ಕಳಿಸಿರುವ ಮೇಸೇಜ್ ಏನೆಂದರೆ ‘ನನ್ನಿಂದ ತಪ್ಪಾಗಿದೆ. ಮತ್ತೆ ನಾನು ನಿನ್ನೊಂದಿಗೆ ಬದುಕುವೆ. ನನ್ನ ಮೇಲಿನ ದೂರನ್ನು ವಾಪಸ್ಸು ತೆಗೆದುಕೊ. ಒಟ್ಟಿಗೆ ಖುಷಿಯಾಗಿ ಬದುಕೋಣ’ಎಂದು ಮೇಸೇಜ್ ಮಾಡಿದ್ದು, ಇದನ್ನು ಓದಿದ ರಾಖಿಯ ಕೋಪದ ಕಟ್ಟೆ ಒಡೆದಿದೆ. ಮತ್ತೆ ಅವನು ನನ್ನೊಂದಿಗೆ ಬದುಕುತ್ತೇನೆ ಎನ್ನುವುದು ನನ್ನನ್ನು ಸಾಯಿಸೋದಕ್ಕೆ ಮಾಡಿರುವ ಫ್ಲಾನ್ ಆಗಿದೆ. ಹೀಗಾಗಿ ಅವನು ನನ್ನ ಜೊತೆ ಇರುತ್ತೇನೆ ಎಂದು ಹೇಳುತ್ತಿದ್ದಾನೆ. ಆದರೆ, ಅವನನ್ನು ನಾನು ನಂಬುವುದಿಲ್ಲ. ಮತ್ತೆ ಒಟ್ಟಿಗೆ ಬದುಕುವುದಿಲ್ಲ. ಹಾಗೆಂದು ಅವನಿಗೆ ಡೈವೋರ್ಸ್ ಕೂಡ ನೀಡುವುದಿಲ್ಲ. ನಾನು ಮದುವೆಯಾಗುವುದಿಲ್ಲ. ಅವನಿಗೆ ತಕ್ಕ ಪಾಠ ಕಲಿಸುವುದಾಗಿ ರಾಖಿ ಸಾವಂತ್ ಹೇಳಿದ್ದಾರೆ.
ನನಗೆ ಅವನ ಜತೆ ಬದುಕೋದಕ್ಕೆ ಇಷ್ಟ ಇಲ್ಲ. ಹಾಗೆಂದು ನಾನು ಡೈವೋರ್ಸ್ ಕೊಟ್ಟರೆ ಅವನು ಬೇರೆ ಮದುವೆಯಾಗುತ್ತಾನೆ ಅದರಿಂದ ಬೇರೆ ಹುಡುಗಿಯ ಬದುಕು ಹಾಳಾಗುತ್ತದೆ. ಅದು ಆಗಬಾರದು ಎನ್ನುವ ಕಾರಣಕ್ಕೆ ಈ ನಿರ್ಧಾರ ತೆಗೆದುಕೊಂಡಿದ್ದೇನೆ. ಅವನು ನನ್ನಂತೆ ಇನ್ನ್ಯಾರಿಗೂ ಮೋಸ ಮಾಡಬಾರದು. ಮತ್ತೆ ಅವನ ಬಾಳಲ್ಲಿ ಯಾವ ಹುಡುಗಿಯೂ ಬರುವುದು ಬೇಡ ಎನ್ನುವುದು ರಾಖಿ ಸಾವಂತ್ ನ ಆಕ್ರೋಶದ ಮಾತಾಗಿದೆ. ಹಾಗಾದರೆ ಮುಂದೆನಾಗುತ್ತದೆ ಕಾದು ನೋಡಬೇಕಾಗಿದೆ.