ಮೇಘಾಲಯದ ವಿದ್ಯಾರ್ಥಿನಿಗೆ ಕನ್ನಡದಲ್ಲಿ ಶೇಕಡಾ 99 ಅಂಕ !
ಮೈಸೂರು: ಕುಣಣ ಜುನಿಕಾ ಪಾವ್‌ಲಾಂಗ್ ಅವರು ಎಸ್ಸೆಸ್ಸೆಲ್ಸಿ ಪರೀಕ್ಷೆಯ ಪ್ರಥಮ ಭಾಷೆಯಲ್ಲಿ (ಕನ್ನಡ) 125ಕ್ಕೆ 123 ಅಂಕ ಪಡೆದಿದ್ದಾರೆ.
625ಕ್ಕೆ 579 ಅಂಕಗಳನ್ನು ಪಡೆಯುವ ಮೂಲಕ ಆಂಗ್ಲ ಮಾಧ್ಯಮ ಶಾಲೆಯಲ್ಲಿ ನಾಲ್ಕನೇ ಸ್ಥಾನ ಪಡೆದಿದ್ದಾಳೆ. ಇಂಗ್ಲಿಷ್‌ 96, ಹಿಂದಿ 96, ಗಣಿತ 77, ವಿಜ್ಞಾನ 91, ಸಮಾಜ ವಿಜ್ಞಾನದಲ್ಲಿ 96 ಅಂಕ ಪಡೆದಿದ್ದಾರೆ.
ಈ ವಿದ್ಯಾರ್ಥಿನಿಯು ಮೂಲತಃ ಮೇಘಾಲಯ ರಾಜ್ಯದವಳಾಗಿದ್ದು, 2015 ರಲ್ಲಿ ಸುತ್ತೂರು ಜೆಎಸ್‌ಎಸ್ ವಸತಿ ಶಾಲೆಗೆ 5ನೇ ತರಗತಿಗೆ ದಾಖಲಾಗಿ, ಆಂಗ್ಲ ಮಾಧ್ಯಮ ಶಾಲೆಯಲ್ಲಿ ಓದುತ್ತಿದ್ದು ಕನ್ನಡ ಭಾಷೆಯನ್ನು ಪ್ರಥಮ ಭಾಷೆಯನ್ನಾಗಿ ಆಯ್ಕೆ ಮಾಡಿಕೊಂಡು ಓದುತ್ತಿದ್ದರು. ಉಳಿದಂತೆ 529 ವಿದ್ಯಾರ್ಥಿಗಳು ಉತ್ತೀರ್ಣರಾಗಿ ಶಾಲೆಗೆ ಶೇ.100 ರಷ್ಟು ಫಲಿತಾಂಶ ಲಭಿಸಿದೆ. 254 ವಿದ್ಯಾರ್ಥಿಗಳು 625ಕ್ಕೆ 500ಕ್ಕೂ ಹೆಚ್ಚು ಅಂಕಗಳನ್ನು ಗಳಿಸಿದ್ದಾರೆ. ಅತ್ಯುನ್ನತ 149, ಪ್ರಥಮ 332, ದ್ವಿತೀಯ 40 ವಿದ್ಯಾರ್ಥಿಗಳು ಉತ್ತೀರ್ಣರಾಗಿದ್ದಾರೆ.
