ಚಿಕ್ಕಮಗಳೂರು: ಮೂಡಿಗೆರೆ ವಿಧಾನಸಭಾ ಕ್ಷೇತ್ರ (ಪ.ಜಾ) ಅಂಚೆ ಮತ ಪತ್ರ ೧೨ಡಿ ಪಡೆದ ಅರ್ಹ ವ್ಯಕ್ತಿಗಳ ಪೈಕಿ ೧೭೬ ಹಿರಿಯ ನಾಗರಿಕರು ೩೧ ವಿಶೇಷ ಚೇತನ ರವರು ಮನೆಯಿಂದಲೇ ಮತ ಚಲಾಯಿಸುವ ಬಗ್ಗೆ ರಂದು ಸಂಬಂಧಿಸಿದ ಮತಗಟ್ಟೆಗಳಿಗೆ ಹಾಗೂ ತಂಡಗಳೊಂದಿಗೆ ಕಳಿಸಲಾಯಿತು.
ಅಂಚೆ ಮತ ಪತ್ರ ನಮೂನೆ -೧೨ಡಿ ಪಡೆದ ಅರ್ಹ ವ್ಯಕ್ತಿಗಳ ಪೈಕಿ ಆವತಿ ಹೋಬಳಿ, ಕಣತಿ ಗ್ರಾಮದ ಸರ್ಕಾರಿ ಹಿರಿಯ ಪ್ರಾಥಮಿಕ ಪಾಠ ಶಾಲೆಯಲ್ಲಿರುವ ಸಂಖ್ಯೆ ೩೮ ರ ಮತಗಟ್ಟೆಯ ಹಿರಿಯ ಮತದಾರರಾದ ೧೦೩ ವರ್ಷ ವಯಸ್ಸಿನ ಬೀಬಿ ಜಾನ್ ಮೈದೀನ್ ಬಿನ್ ಮೈದೀನ್ ಇವರ ಮನೆಗೆ ಅಂಚೆ ಮತಪತ್ರದ ಮೂಲಕ ಮತದಾನ ಮಾಡಿಸುವ ತಂಡದೊಂದಿಗೆ ಭೇಟಿ ನೀಡಿದ ಚುನಾವಣಾಧಿಕಾರಿಗಳಾದ ರಾಜೇಶ್ ಹೆಚ್.ಡಿ. ರವರು ಬೀಬಿ ಜಾನ್ ಮೈದೀನ್ ಬಿನ್ ಮೈದೀನ್ ರವರಿಗೆ ಹೂ ಗುಚ್ಛ ನೀಡಿ ಗೌರವಿಸಿ ಅವರ ಮನೆಯಿಂದಲೇ ಅವರಿಂದ ಅಂಚೆ ಮತಪತ್ರದ ಮೂಲಕ ಮತದಾನ ಮಾಡಿಸಿದರು.
ಅಂಚೆ ಮತ ಪತ್ರ ನಮೂನೆ -೧೨ಡಿ ಪಡೆದ ಅರ್ಹ ವ್ಯಕ್ತಿಗಳ ಪೈಕಿ ಬಣಕಲ್ ಹೋಬಳಿ, ಹಳೇಹಳ್ಳಿ (ಭಾರತಿ ಬೈಲು) ಗ್ರಾಮದ ಸರ್ಕಾರಿ ಹಿರಿಯ ಪ್ರಾಥಮಿಕ ಪಾಠ ಶಾಲೆಯಲ್ಲಿರುವ ಮತಗಟ್ಟೆಯ ಭಾಗದ ಸಂಖ್ಯೆ ೧೩೯ ಕ್ರ.ಸಂ. ೮೩೬ ರ ಹಿರಿಯ ಮತದಾರರಾದ ೧೦೪ ವರ್ಷ ವಯಸ್ಸಿನ ಪುಟ್ಟಮ್ಮ ಇವರ ಮನೆಗೆ ಅಂಚೆ ಮತಪತ್ರದ ಮೂಲಕ ಮತದಾನ ಮಾಡಿಸುವ ತಂಡದೊಂದಿಗೆ ಭೇಟಿ ನೀಡಿದ ಸಹಾಯಕ ಚುನಾವಣಾಧಿಕಾರಿ ಗಳಾದ ವೈ. ತಿಪ್ಪೇಸ್ವಾಮಿ ರವರು ಪುಟ್ಟಮ್ಮ ರವರಿಗೆ ಹೂಗುಚ್ಛ ನೀಡಿ ಗೌರವಿಸಿ ಅವರ ಮನೆಯಿಂದಲೇ ಅವರಿಂದ ಅಂಚೆ ಮತಪತ್ರದ ಮೂಲಕ ಮತದಾನ ಮಾಡಿಸಿದರು. ಚುನಾವಣಾಧಿ ಕಾರಿಗಳಾದ ಹೆಚ್.ಡಿ. ರಾಜೇಶ್ ಹಾಗೂ ಸಹಾಯಕ ಚುನಾವಣಾಧಿಕಾರಿಗಳಾದ ವೈ. ತಿಪ್ಪೇಸ್ವಾಮಿರವರು ಅಧಿಕಾರಿ ಸಿಬ್ಬಂದಿಗಳು ಉಪಸ್ಥಿತರಿದ್ದರು.
