ಕಾರವಾರ : ತಾಲೂಕಿನ ಮಾಜಾಳಿ ಕಡಲತೀರದಲ್ಲಿ ಅತೀ ಅಪರೂಪ ಹಾಗೂ ವಿನಾಶದ ಹಂತದಲ್ಲಿರುವ ಕಡಲಾಮೆ ಕಳೇಬರ ಪತ್ತೆಯಾಗಿದೆ.
ಆಮೆಗೆ ಗಿಡುಗನ ಕೊಕ್ಕಿನ ರೀತಿಯ ಅಪರೂಪದ ರಚನೆ ಇರುವ ಹಿನ್ನೆಲೆಯಲ್ಲಿ ಈ ಕಡಲಾಮೆಯ ಪ್ರಬೇಧವನ್ನು ಹ್ವಾಕ್ಸ್ ಬಿಲ್ ಟರ್ಟಲ್ ಎಂದು ಕರೆಯಲಾಗುತ್ತದೆ.
ಈ ಪ್ರಭೇದ ಸಾಗರ ಜೀವಿಶಾಸ್ತ್ರ ವಿಜ್ಞಾನಿಗಳ ಅಚ್ಚರಿಗೆ ಕಾರಣವಾಗಿದೆ. ಇವುಗಳ ಜೀವಿತಾವಧಿ 50 ರಿಂದ 60 ವರ್ಷವಾಗಿದ್ದು ಹವಳದ ದ್ವೀಪ ಇವುಗಳ ವಾಸ ಸ್ಥಳವಾಗಿದೆ. ಅಂಡಮಾನ ನಿಕೋಬಾರ್, ಲಕ್ಷ ದ್ವೀಪದಲ್ಲಿ ಇವು ಹೆಚ್ಚಿನ ಪ್ರಮಾಣದಲ್ಲಿ ಕಂಡು ಬರುತ್ತುವೆ. ವನ್ಯ ಜೀವಿ ಕಾಯಿದೆ ಅಡಿ ಈ ಅಪರೂಪದ ಆಮೆಗಳು ಸಂರಕ್ಷಿತ ಪ್ರಭೇದವಾಗಿದೆ ಎಂದು ಸಾಗರ ವಿಜ್ಞಾನಿ ಶಿವಕುಮಾರ್ ಹರಗಿ ಮಾಹಿತಿ ನೀಡಿದ್ದಾರೆ. ಕಡಲಾಮೆಯ ಕಳೇಬರವನ್ನು ಮರಣೋತ್ತರ ಪರೀಕ್ಷೆ ಮಾಡಿದ ಬಳಿಕ ಕೋಸ್ಟಲ್ ಮರೈನ್ ಮತ್ತು ಇಕೋ ಸಿಸ್ಟಂ ವಿಭಾಗದ ವಲಯ ಅರಣ್ಯಾಧಿಕಾರಿಗಳ ಸಮ್ಮುಖದಲ್ಲಿ ಹೂಳಲಾಯಿತು.
