ಮಂಗಳೂರು: ಮಂಗಳೂರು ಮೂಲದ ಸೃಜನಶೀಲ, ನೃತ್ಯ ಚಳವಳಿ ಆಯೋಜಕಿ ಹಾಗೂ ಅನ್ವೇಷಣಂ ಸೆಂಟರ್ ಫಾರ್ ಮೈಂಡ್ಫುಲ್ನೆಸ್ ಅಂಡ್ ಎಮೋಷನಲ್ ವೆಲ್‌ ಬೀಯಿಂಗ್‌ ಸ್ಥಾಪಕಿ ಸಚಿತಾ ನಂದಗೋಪಾಲ್ ಅವರನ್ನು ಡ್ಯಾನ್ಸ್ ಮೂವ್ಮೆಂಟ್ ಥೆರಪಿ ಮೂಲಕ ಸಮುದಾಯ ಕಾರ್ಯ ಕ್ಷೇತ್ರದಲ್ಲಿ ನೀಡಿದ ಕೊಡುಗೆಗಾಗಿ ಸಿಎಮ್ಟಿಎಐ (ಕ್ರಿಯೇಟಿವ್ ಮೂವ್ಮೆಂಟ್ ಥೆರಪಿ ಅಸೋಸಿಯೇಷನ್ ಆಫ್ ಇಂಡಿಯಾ) ಗೌರವಿಸಿದೆ. ಬುಧವಾರ ರಾತ್ರಿ ಸಿಎಂಟಿಎಐನ 9 ನೇ ವಾರ್ಷಿಕೋತ್ಸವ ಸಂದರ್ಭ ಆಯೋಜಿಸಲಾದ ವರ್ಚುವಲ್ ಸಮಾರಂಭದಲ್ಲಿ ಈ ಮಾನ್ಯತೆ ನೀಡಲಾಯಿತು.
ಸಿಎಂಟಿಎಐ, ದೆಹಲಿ ಭಾರತದಲ್ಲಿ ನೃತ್ಯ ಚಿಕಿತ್ಸೆಯ ಕ್ಷೇತ್ರದಲ್ಲಿ ಒಂದು ಪ್ರವರ್ತಕ ಸಂಸ್ಥೆಯಾಗಿದೆ ಮತ್ತು
ಇಂಟರ್ನ್ಯಾಷನಲ್ ಡ್ಯಾನ್ಸ್ ಕೌನ್ಸಿಲ್ (ಸಿಐಡಿ)-ಯುನೆಸ್ಕೋ, ಫ್ರಾನ್ಸ್ ಮತ್ತು ಅಮೇರಿಕನ್ ಡ್ಯಾನ್ಸ್ ಥೆರಪಿ ಅಸೋಸಿಯೇಷನ್ (ಎಡಿಟಿಎ), ಯುಎಸ್ಎನ ಸದಸ್ಯ ಸಂಸ್ಥೆಯಾಗಿದೆ.
ವಿಶ್ವದಾದ್ಯಂತ ಡ್ಯಾನ್ಸ್ ಮೂವ್ಮೆಂಟ್ ಥೆರಪಿ ಅಭ್ಯಾಸ ಮಾಡುತ್ತಿರುವ ಸಂಸ್ಥೆಯ ಹಳೆಯ ವಿದ್ಯಾರ್ಥಿಗಳಲ್ಲಿ ನಾಲ್ಕು ವಿಭಾಗಗಳಲ್ಲಿ ಈ ಪ್ರಶಸ್ತಿಯನ್ನು ನೀಡಲಾಗಿದೆ. ಸಮುದಾಯ ಕೆಲಸ, ನವೋದ್ಯಮಗಳು, ಶಿಕ್ಷಣ ತಜ್ಞರು ಮತ್ತು ಕ್ಷೇತ್ರದಲ್ಲಿ ಸಂಶೋಧನೆ ವಿಭಾಗಗಳು ಇದರಲ್ಲಿ ಸೇರಿವೆ.
ವಿದ್ಯಾರ್ಥಿಗಳು, ಗೃಹಿಣಿಯರು, ಕಾರ್ಪೊರೇಟ್ ಉದ್ಯೋಗಿಗಳು, ಗೃಹರಕ್ಷಕ ದಳದ ಸಿಬ್ಬಂದಿ ಮತ್ತು ಜಾರ್ಖಂಡ್‌ ಬುಡಕಟ್ಟು ಮಕ್ಕಳು, ಭಾರತೀಯ ಕೋಸ್ಟ್ ಗಾರ್ಡ್‌ ಅಧಿಕಾರಿಗಳು ಮತ್ತು ಜಿಲ್ಲಾ ಕಾರಾಗೃಹದ ಕೈದಿಗಳು ಸೇರಿದಂತೆ ಸಮಾಜದ ವಿವಿಧ ವಿಭಾಗಗಳನ್ನು ಗುರಿಯಾಗಿಸಿಕೊಂಡು ಡ್ಯಾನ್ಸ್ ಮೂವ್ಮೆಂಟ್ ಥೆರಪಿ ಮೂಲಕ ಮಾನಸಿಕ ಆರೋಗ್ಯ ಮತ್ತು ಸ್ವಾಸ್ಥ್ಯ ಕ್ಷೇತ್ರದಲ್ಲಿ ಮಾಡಿದ ವ್ಯಾಪಕ ಕೆಲಸಕ್ಕಾಗಿ ಸಚಿತಾ ನಂದಗೋಪಾಲ್ ಈ ಗೌರವವನ್ನು ಪಡೆದಿದಾರೆ. ಅವೆ ಮಾರಿಯಾ ಪ್ಯಾಲಿಯೇಟಿವ್ ಕೇರ್ ಸೆಂಟರ್, ಯುಎಇಯ ಅಜ್ಮಾನ್ನಲ್ಲಿರುವ ಗಲ್ಫ್ ಮೆಡಿಕಲ್ ಯೂನಿವರ್ಸಿಟಿಯ ಹೆಲ್ತ್ಕೇರ್ ಸಿಬ್ಬಂದಿ, ಉತ್ತರ ಪ್ರದೇಶದ ಗೊಂಡಾದ ಗೊಂಡಾ ಹೋಸ್ಪಿಟಾದ ಆರೈಕೆ ನೀಡುವವರೊಂದಿಗೆ ನಂದಗೋಪಾಲ್ ಕೆಲಸ ಮಾಡಿದ್ದಾರೆ.
ಅವರು ಕಳೆದ ಆರು ವರ್ಷಗಳಿಂದ ಈ ಕ್ಷೇತ್ರದಲ್ಲಿ ಕೆಲಸ ಮಾಡುತ್ತಿದ್ದಾರೆ ಮತ್ತು ಅನ್ವೇಷಣಂ ಎಂಬ ಸಂಸ್ಥೆಯನ್ನು ಸ್ಥಾಪಿಸಿದ್ದಾರೆ, ಇದರ ಅಡಿಯಲ್ಲಿ ಅವರು “ಮಾನಸಿಕ ಸ್ವಾಸ್ಥ್ಯಕ್ಕಾಗಿ ನೃತ್ಯ” ಕುರಿತು ಹಲವಾರು ಕಾರ್ಯಾಗಾರಗಳು ಮತ್ತು ವಿವಿಧ ಕಾರ್ಯಕ್ರಮಗಳನ್ನು ನಡೆಸಿದ್ದಾರೆ.
ಭಾರತದಲ್ಲಿ ಡ್ಯಾನ್ಸ್ ಥೆರಪಿಯ ಪ್ರವರ್ತಕರಲ್ಲಿ ಒಬ್ಬರಾದ ಮತ್ತು ಸಿಎಂಟಿಎಐನ ಸಹ ಸಂಸ್ಥಾಪಕ ತ್ರಿಪುರ ಕಶ್ಯಪ್ ಮತ್ತು ದೇಶಾದ್ಯಂತದ ಹಲವಾರು ನೃತ್ಯ ಚಿಕಿತ್ಸಕರ ಉಪಸ್ಥಿತಿಯಲ್ಲಿ ಈ ಸನ್ಮಾನವನ್ನು ನಡೆಯಿತು.
