ಸುರತ್ಕಲ್ : ಸುರತ್ಕಲ್ನ ಎನ್ಐಟಿಕೆಯ ಕೃಷ್ಣ ಪ್ರಭು ಸಹಿತ ನಾಲ್ವರು ಸೇರಿದಂತೆ ಕರ್ನಾಟಕದ ೧೨೪ ಮಂದಿ ವಿಜ್ಞಾನಿಗಳು ಜಗತ್ತಿನ ಶ್ರೇಷ್ಠ ವಿಜ್ಞಾನಿಗಳ ಪಟ್ಟಿಯಲ್ಲಿ ಸ್ಥಾನ ಪಡೆದುಕೊಂಡಿದ್ದಾರೆ.
ಅಮೆರಿಕಾದ ಪ್ರತಿಷ್ಟಿತ ಸ್ಟಾನ್ ಫೋರ್ಡ್ ಯುನಿವರ್ಸಿಟಿಯ ವಿಜ್ಞಾನಿಗಳು ತಯಾರಿಸಿರುವ ಜಗತ್ತಿನ ಪ್ರಮುಖ ೨% ವಿಜ್ಞಾನಿಗಳ ಪಟ್ಟಿಯಲ್ಲಿ ಆಪ್ಟೋ ಎಲೆಕ್ಟ್ರಾನಿಕ್ ಮತ್ತು ಟೆಲಿ ಕಮ್ಯುನಿಕೇಷನ್ ಕ್ಷೇತ್ರದಲ್ಲಿ ನಡೆಸಿದ್ದ ಸಂಶೋಧನೆಗಳಿಗಾಗಿ ೨೦೧೯ ಮತ್ತು ೨೦೨೦ ರಲ್ಲಿ ನಿರಂತರವಾಗಿ ಎನ್ ಐಟಿಕೆಯ ಪ್ರೊಫೆಸರ್ ಪ್ರಭು ಕೃಷ್ಣನ್ ಶ್ರೇಷ್ಠ ವಿಜ್ಞಾನಿಗಳ ಪಟ್ಟಿಯಲ್ಲಿ ಸ್ಥಾನ ಪಡೆದಿದ್ದಾರೆ.
ಅಮೆರಿಕದ ಸ್ಟ್ಯಾಂಡ್ಫೋರ್ಡ್ ಯೂನಿವರ್ಸಿಟಿಯ ವಿಜ್ಞಾನಿಗಳು ಈ ಪಟ್ಟಿಯನ್ನು ಸಿದ್ಧಪಡಿಸಿದ್ದು, ಇದು ಪ್ಲಾಸ್ಬಯೋಲಜಿ ಎಂಬ ಪ್ರತಿಷ್ಠಿತ ಮ್ಯಾಗಸಿನ್ನಲ್ಲಿ ಪ್ರಕಟವಾಗಿದೆ. ಜಗತ್ತಿನಾದ್ಯಂತ ಸರ್ವೇ ಮಾಡಿ ವಿವಿಧ ಮಾನದಂಡಗಳಡಿಯಲ್ಲಿ ಒಟ್ಟು ೧,೪೯೪ ಮಂದಿಯನ್ನು ಈ ಪಟ್ಟಿಯಲ್ಲಿ ಸೇರಿಸಲಾಗಿದೆ.
ಸುರತ್ಕಲ್ ಎನ್ಐಟಿಕೆಯ ಒಪ್ಟೋಎಲೆಕ್ಟ್ರಾನಿಕ್, ಕಮ್ಯೂನಿಕೇಷನ್ನ ಕೃಷ್ಣ ಪ್ರಭು, ಮೆಕ್ಯಾನಿಕಲ್ ಎಂಜಿನಿಯರಿಂಗ್ನ ಪಿ. ಜಯರಾಜ್ ಮತ್ತು ಎಸ್. ಸಿ. ಕಟ್ಟಿಮನಿ ಹಾಗೂ ಎಲೆಕ್ಟ್ರಿಕಲ್ ಆಂಡ್ ಎಲೆಕ್ಟ್ರಾನಿಕ್ಸ್ ಎಂಜಿನಿಯರಿಂಗ್ನ ಜೆನಾ ದೇಬಾಶೀಶಾ ಅವರು ಈ ಪಟ್ಟಿಯಲ್ಲಿ ಹೆಸರು ಪಡೆದುಕೊಂಡಿರುವುದು ಜಿಲ್ಲೆಗೆ ದೊಡ್ಡ ಹೆಮ್ಮೆಯ ಸಂಗತಿಯಾಗಿದೆ. ತಾವು ಈಚೆಗೆ ಬರೆದಿರುವ ಕೆಲವು ಸಂಶೋಧನ ಲೇಖನಗಳ ಆಧಾರದಲ್ಲಿ ಈ ಪಟ್ಟಿಯಲ್ಲಿ ಸ್ಥಾನ ಸಿಕ್ಕಿದೆ ಎಂದು ಹೇಳುತ್ತಿದ್ದಾರೆ.
ಎನ್ಐಟಿಕೆಯ ಕೃಷ್ಣ ಪ್ರಭು ಸಹಿತ ನಾಲ್ವರಿಗೆ ಜಗತ್ತಿನ ಶ್ರೇಷ್ಠ ವಿಜ್ಞಾನಿ ಸ್ಥಾನಮಾನ
Photo Credit :
ಹನಿ ಹನಿ ಕೂಡಿ ಹಳ್ಳ
ನ್ಯೂಸ್ಕನ್ನಡ.ಕಾಂ ಇದರ ಗುಣಮಟ್ಟದ, ಸ್ವತಂತ್ರ ಪತ್ರಿಕೋದ್ಯಮವನ್ನು ನಿಮ್ಮ ದೇಣಿಗೆಯ ಮೂಲಕ ಪ್ರೋತ್ಸಾಹಿಸಿ.