ಬಂಟ್ವಾಳ: ರಾಯಿಸ್ ಬರೆಟೊ ಮತ್ತು ಜೆ.ಆರ್. ಬರೆಟೊ ಅವರ ಮಾಲಕತ್ವದಲ್ಲಿ “ರೊಯ್ವಿನ್ ರಿಕ್ರೂಟರ್ಸ್” ನೂತನ ಸಂಸ್ಥೆಯ ಉದ್ಘಾಟನಾ ಕಾರ್ಯಕ್ರಮ ಬಿ.ಸಿ.ರೋಡಿನ ಕೈಕಂಬದಲ್ಲಿ ಬುಧವಾರ ಜರಗಿತು.
ಕೈಕಂಬದ ರಾಷ್ಟ್ರೀಯ ಹೆದ್ದಾರಿಯ ಪಕ್ಕದಲ್ಲಿರುವ ಎಂ.ಕೆ. ಟವರ್ಸ್ ನ 2ನೇ ಮಳಿಗೆಯಲ್ಲಿ ಕಾರ್ಯಾಚರಿಸಲಿರುವ ಈ ನೂತನ ಸಂಸ್ಥೆಯನ್ನು ಮೊಡಂಕಾಪು ಇನ್ಫೆಂಟ್ ಜೀಸಸ್ ಚರ್ಚ್ನ ರೇ. ಫಾದರ್ ವಾಲ್ಟರ್ ಡಿಮೆಲ್ಲೋ ಉದ್ಘಾಟಿಸಿ, ಸಂಸ್ಥೆಯು ದಿನೇ ದಿನೇ ಪ್ರಗತಿಯಾಗುವ ಮೂಲಕ ಆಸಕ್ತ ಜನರಿಗೆ ಉದ್ಯೋಗ ನೀಡಿ ಮಾದರಿಯಾಗಲಿ ಹಾಗೂ ದಾರಿದೀಪವಾಗಲಿ ಎಂದು ಶುಭಹಾರೈಸಿದರು.
ಸಂಸ್ಥೆಯ ಮಾಲಕ ರಾಯಿಸ್ ಬರೆಟೊ ಪ್ರಸ್ತಾವಿಕ ಮಾತನಾಡಿ, “ಭಾರತ ಸರಕಾರದ ವಿದೇಶಾಂಗ ವ್ಯವಹಾರ ಇಲಾಖೆಯಿಂದ ಈ ಸಂಸ್ಥೆಗೆ ಅನುಮತಿ ದೊರಕಿದೆ. ಕೇವಲ ವಿದೇಶ ಪ್ರಯಾಣ ಮಾತ್ರವಲ್ಲ, ಉದ್ಯೋಗ, ವ್ಯಾಪಾರಸ್ಥರಿಗೆ ಬಂಡವಾಳಕ್ಕೆ ಬೇಕಾದ ಅವಕಾಶ, ಮಾನವ ಸಂಪನ್ಮೂಲ ಅಭಿವೃದ್ಧಿಗೆ ಹಾಗೂ ವಿದ್ಯಾರ್ಥಿಗಳ ವ್ಯಕ್ತಿತ್ವ ವಿಕಸನಕ್ಕೆ ಬೇಕಾದಂತಹ ಟ್ರೈನಿಂಗ್ ಪ್ಯಾಕೇಜ್ ಗಳು ನಡೆಸಲಾಗುತ್ತಿದೆ ಎಂದ ಅವರು, ರಿಕ್ರೂಮೆಂಟ್, ಎಚ್.ಆರ್. ಸರ್ವೀಸ್, ಟೂರ್ಸ್ ಆಂಡ್ ಟ್ರಾವೆಲ್ಸ್ ಸೇವೆಯಲ್ಲಿ ಈ ಸಂಸ್ಥೆ ಕಾರ್ಯಾಚರಿಸಲಿದೆ. ಸಂಸ್ಥೆಯ ಪ್ರಗತಿಗೆ ನಿಮ್ಮೆಲ್ಲರ ಸಹಕಾರ ಅಗತ್ಯ ಎಂದು ಹೇಳಿದರು.
ಬಂಟ್ವಾಳ ಶಾಸಕ ರಾಜೇಶ್ ನಾಯ್ಕ್, ಬಂಟ್ವಾಳ ಎಎಸ್ಪಿ ಸೈದುಲ್ ಅಡಾವತ್ ಅವರು ಮುಖ್ಯ ಅತಿಥಿಗಳಾಗಿ ಭಾಗವಹಿಸಿ ಶುಭಹಾರೈಸಿದರು.
ಈ ಸಂದರ್ಭದಲ್ಲಿ ಮಾಜಿ ಸಚಿವ ಬಿ.ರಮಾನಾಥ ರೈ, ಬಂಟ್ವಾಳ ಪುರಸಭಾ ಸದಸ್ಯರಾದ ಗೋವಿಂದ ಪ್ರಭು, ಲುಕ್ಮಾನ್, ಬಂಟ್ವಾಳ ನಗರ ಠಾಣಾ ಎಸ್ಸೈ ಚಂದ್ರಶೇಖರ್, ಬಂಟ್ವಾಳ ರೋಟರಿ ಕ್ಲಬ್ ನ ಮಂಜುನಾಥ ಆಚಾರ್ಯ, ಸಿ.ಎ. ಯತೀಶ್ ಭಂಡಾರಿ ಬಿ.ಸಿ.ರೋಡ್, ಎಂ.ಕೆ.ಟವರ್ ನ ಮಾಲಕ ಎಂ.ಕೆ. ಮೊಯ್ದೀನ್ ಉಪಸ್ಥಿತರಿದ್ದರು.
ರಾಯಿಸ್ ಅವರ ಕುಟುಂಸ್ಥರಾದ ವಿಲ್ಮಾ ಬರೆಟೊ, ಜೆ.ಆರ್.ಬರೆಟೊ, ಫಿಲೋಮಿನಾ ಬರೆಟೊ ಮತ್ತಿತರರು ಉಪಸ್ಥಿತರಿದ್ದರು. ಮಿಷಲ್ ವಂದಿಸಿದರು.