ಪುತ್ತೂರು: ಬಪ್ಪಳಿಗೆಯಲ್ಲಿ ನಗರಸಭೆಯ ದಾರಿ ದೀಪಗಳಿಗೆ ಹಾನಿಯುಂಟು ಮಾಡುತ್ತಿದ್ದ ಯುವಕರನ್ನು ಸಿ.ಸಿ.ಕ್ಯಾಮರಾದ ಫೂಟೇಜ್ ಆಧರಿಸಿ ಪುತ್ತೂರು ಪೊಲೀಸರು ಬಂಧಿಸಿದ್ದಾರೆ.
ಬಪ್ಪಳಿಗೆಯಲ್ಲಿ ದಾರಿ ದೀಪಗಳು ಹಾನಿಗೀಡಾಗಿರುವ ವಿಚಾರ ಜ.21ರಂದು ಬೆಳಿಕಿಗೆ ಬಂದ ತಕ್ಷಣ ನಗರಸಭೆ ಪೌರಾಯುಕ್ತೆ ರೂಪಾ ಶೆಟ್ಟಿಯವರು ಪುತ್ತೂರು ನಗರ ಪೊಲೀಸ್ ಠಾಣೆಗೆ ದೂರು ನೀಡಿದ್ದರು. ಪುತ್ತೂರು ಪೊಲೀಸರು ಬಪ್ಪಳಿಗೆ ಮಸೀದಿ ಬಳಿಯ ಸಿ.ಸಿ.ಕ್ಯಾಮರಾವನ್ನು ಪರಿಶೀಲಿಸಿದಾಗ ಜ.20ರಂದು ರಾತ್ರಿ ಯುವಕರಿಬ್ಬರು ದಾರಿ ದೀಪಗಳಿಗೆ ಕಲ್ಲು ಬೀಸಾಕಿ ಹಾನಿ ಮಾಡುತ್ತಿರುವ ದೃಶ್ಯ ಸಿ.ಸಿ.ಕ್ಯಾಮರಾದಲ್ಲಿ ಪತ್ತೆಯಾಗಿದ್ದು ಅದರ ಆಧಾರದಲ್ಲಿ ದಾರಿ ದೀಪಗಳಿಗೆ ಹಾನಿ ಮಾಡಿದ ಯುವಕರಿಬ್ಬರನ್ನು ವಶಕ್ಕೆ ಪಡೆದುಕೊಂಡಿದ್ದಾರೆ.
ಹಾನಿಗೀಡಾದ ಸೊತ್ತಿನ ಮೌಲ್ಯ ವಸೂಲಿ:
ಯುವಕರಿಬ್ಬರು ಸುಮಾರು 12 ಟ್ಯೂಬ್‍ಲೈಟ್ ಮತ್ತು 2 ಸಿಎಫ್‍ಎಲ್ ಬಲ್ಪ್‍ಗಳನ್ನು ಹಾನಿ ಮಾಡಿದ್ದರು. ಅದರ ಒಟ್ಟು ಮೊತ್ತ ರೂ. 17ಸಾವಿರವನ್ನು ಅವರ ಪೋಷಕರು ನಗರಸಭೆಗೆ ಪಾವತಿಸಿದ್ದಾರೆಂದು ತಿಳಿದುಬಂದಿದೆ.
