ಬೀದರ್: ಕಾರಂಜಾ ಜಲಾಶಯದಲ್ಲಿ ಮುಳುಗಿ ಇಬ್ಬರು ಮೃತ

ಬೀದರ್: ಕಾರಂಜಾ ಜಲಾಶಯದ ಕಾಲುವೆಯಲ್ಲಿ ಈಜಲು ಹೋಗಿದ್ದ ಇಬ್ಬರು ಸ್ನೇಹಿತರು ನೀರಿನಲ್ಲಿ ಮುಳುಗಿ ಮೃತಪಟ್ಟಿರುವ ಘಟನೆ ಭಾಲ್ಕಿ ತಾಲೂಕಿನ ಕಣಜಿ ಬಳಿ ನಡೆದಿದೆ.

ಮೃತರನ್ನು ಕಟ್ಟಿ ತೂಗಾಂವ್ ಗ್ರಾಮದ ಬಸವರಾಜ ಶಿವಲಿಂಗ ಬುದ್ದೆ (18) ಮತ್ತು ಕಣಜಿ ಗ್ರಾಮದ ಸಾಯಿನಾಥ್ ಶಿವಕುಮಾರ್ ಸಂಗನಬಶೆಟ್ಟಿ (18) ಎಂದು ಗುರುತಿಸಲಾಗಿದೆ.

ಜಲಾಶಯದಿಂದ ಹೆಚ್ಚುವರಿ ನೀರನ್ನು ಕಾಲುವೆಗೆ ಬಿಡುವುದರಿಂದ, ಹರಿವು ಹೆಚ್ಚಾಗಿದೆ ಮತ್ತು ನೀರಿನ ಸೆಳೆತದಿಂದಾಗಿ ಅವು ಕೊಚ್ಚಿಹೋಗಿವೆ. ಶವಗಳನ್ನು ಹೊರತೆಗೆದು ಮರಣೋತ್ತರ ಪರೀಕ್ಷೆಗೆ ಒಳಪಡಿಸಲಾಗಿದೆ.

ಘಟನಾ ಸ್ಥಳಕ್ಕೆ ಸಿಪಿಐ ವೀರಣ್ಣ ದೊಡ್ಡಮನಿ ಭೇಟಿ ನೀಡಿದ್ದು, ಧನ್ನೂರು ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.