ಉಯ್ಯಾಲೆ ಉರುಳಾಗಿ ಬಾಲಕಿ ಸಾವು

ಕೋಲಾರ: ನಂಗಲಿ ಸಮೀಪದ ಪೆದ್ದೂರಲ್ಲಿ ಮಂಗಳವಾರ ಸೀರೆಯನ್ನು ಉಯ್ಯಾಲೆಯಾಗಿ ಮಾಡಿಕೊಂಡು ಆಡುತ್ತಿದ್ದ ಬಾಲಕಿಯ ಕೊರಳಿಗೆ ಉರುಳು ಬಿದ್ದು ಮೃತಪಟ್ಟಿದ್ದಾಳೆ.

ಸೀರೆ ಕೊರಳಿಗೆ ಸುತ್ತಿಕೊಂಡು ಮೇಘನಾ ಅಶೋಕ ರೆಡ್ಡಿ (12) ಮೃತಪಟ್ಟಿದ್ದಾಳೆ. ಆಕೆಯ ಜತೆ ಉಯ್ಯಾಲೆ ಆಡುತ್ತಿದ್ದ ಯಮನೂರು ಗ್ರಾಮದ ಮತ್ತೊಬ್ಬ ಬಾಲಕಿ ದೇವಿಶ್ರೀ ಸ್ಥಿತಿ ಚಿಂತಾಜನಕವಾಗಿದೆ.

ಚಾವಣಿಯ ಕಬ್ಬಿಣದ ಕೊಂಡಿಗಳಿಗೆ ಎರಡು ಸೀರೆಗಳನ್ನು ಉಯ್ಯಾಲೆಯಾಗಿ ಹಾಕಿಕೊಂಡು ಇಬ್ಬರೂ ಆಟವಾಡುತ್ತಿದ್ದರು. ಸೀರೆಗಳು ಒಂದಕ್ಕೊಂದು ಸುತ್ತಿಕೊಂಡು ಮೇಘನಾ ಉಸಿರುಗಟ್ಟಿ ಸಾವನ್ನಪ್ಪಿದ್ದಾಳೆ ಎಂದು ನಂಗಲಿ ಪೊಲೀಸರು ತಿಳಿಸಿದ್ದಾರೆ.