ಬೆಂಗಳೂರು, – ರಾಜಧಾನಿ ಬೆಂಗಳೂರಿನಲ್ಲಿ ಕೋವಿಡ್ ಪರೀಕ್ಷೆಗೆ ಒಳಗಾದ ಕುಟುಂಬಕ್ಕೆ ಮತ್ತೊಂದು ತಲೆನೋವು ಎದುರಾಗಿದ್ದು , ಒಂದು ಗಂಟೆಯೊಳಗೆ ನೆಗಟಿವ್, ಪಾಸಿಟಿವ್ ಎರಡೂ ಬಂದಿದೆ. ಬಿಬಿಎಂಪಿ ವ್ಯಾಪ್ತಿಯ ಕೋಣನಕುಂಟೆ ವಾರ್ಡ್ ನಲ್ಲಿ ಈ ಘಟನೆ ನಡೆದಿದ್ದು, ಒಂದೇ ಕುಟುಂಬಸ್ಥರು ಕೋವಿಡ್ ಪರೀಕ್ಷೆಗೆ ಒಳಗಾಗಿದ್ದಾರೆ. ಎರಡು ದಿನಗಳ ಬಳಿಕ ಮೊದಲು ಮೂರು ಜನರಿಗೆ ನೆಗೆಟಿವ್ ಫಲಿತಾಂಶ ಬಂದಿದೆ.
ಅದಾದ ಬಳಿಕ ಒಂದೇ ಗಂಟೆಯಲ್ಲಿ ಮೂರು ಜನರಿಗೂ ಪಾಸಿಟಿವ್ ಫಲಿತಾಂಶ ಹೊರಬಿದ್ದಿದ್ದು, ಮನೆಯವರಲ್ಲಿ ಆತಂಕ ಮನೆ ಮಾಡಿದೆ. ಅದಲ್ಲದೆ, ಒಂದೇ ಎಸ್‍ಆರ್‍ಎಫ್ ಐಡಿಯಲ್ಲಿ ಮೊದಲು ನೆಗೆಟಿವ್ ಅದಾದ ಬಳಿಕ ಪಾಸಿಟಿವ್ ಬಂದಿರುವುದು ಅಚ್ಚರಿ ತಂದಿದೆ.
