ಧಾರವಾಡ: ಧಾರವಾಡ ಗ್ರಾಮೀಣ ಅಲ್ಪಸಂಖ್ಯಾತರ ಮೊರಾರ್ಜಿ ದೇಸಾಯಿ ಹೆಣ್ಣುಮಕ್ಕಳ ವಸತಿ ಶಾಲೆಗೆ ಹುಬ್ಬಳ್ಳಿ – ಧಾರವಾಡ ಅವಳಿ ನಗರ ವ್ಯಾಪ್ತಿಯಲ್ಲಿ ಬಾಡಿಗೆ ಕಟ್ಟಡದ ಅಗತ್ಯವಿದ್ದು, ಆಸಕ್ತರು ಅರ್ಜಿ ಸಲ್ಲಿಸಬಹುದು.
ಈಗಾಗಲೇ ವಸತಿ ಶಾಲೆಯಲ್ಲಿ 250 ಹೆಣ್ಣುಮಕ್ಕಳು ವ್ಯಾಸಂಗ ಮಾಡುತ್ತಿದ್ದು, ಈ ಶಾಲೆಗೆ ಬಾಡಿಗೆ ಕಟ್ಟಡ ಅವಶ್ಯಕವಿದೆ. ಅವಶ್ಯಕ ಸೌಲಭ್ಯಗಳನ್ನು ಒಳಗೊಂಡಿರುವ ಕಟ್ಟಡವನ್ನು ಬಾಡಿಗೆ ನೀಡಲು ಆಸಕ್ತಿವುಳ್ಳವರು ಜೂನ್ 28 ರೊಳಗಾಗಿ ಸಂಪರ್ಕಿಸಬೇಕು.
ಕಟ್ಟಡ ಒಳ್ಳೆಯ ಗುಣಮಟ್ಟದಾಗಿರಬೇಕು. ಬಣ್ಣ ಮತ್ತು ಸುಣ್ಣ ಹಚ್ಚಿರಬೇಕು. ಪ್ರತ್ಯೇಕ 06 ಕ್ಲಾಸರೂಮ್ ಸುಸಜ್ಜಿತವಾಗಿರಬೇಕು. ಊಟದ ಕೊಠಡಿ ಮತ್ತು ದವಸ ಧಾನ್ಯಗಳು ಸಂಗ್ರಹ ಮಾಡಲು ಪ್ರತ್ಯೇಕ ಕೊಠಡಿಗಳಿರಬೇಕು. ಅಡುಗೆ ಕೋಣೆ, ಆಫೀಸ್ ರೂಮ್, ಸ್ಟಾಫ್ರೂಮ್, ಪ್ರತ್ಯೇಕ ಕೊಠಡಿಗಳಿರಬೇಕು. ಶಾಲಾ ಆವರಣವಿರಬೇಕು. ಹೆಣ್ಣುಮಕ್ಕಳ 250 ವಿದ್ಯಾರ್ಥಿಗಳಿಗೆ ಇರಲಿಕ್ಕೆ ಪ್ರತ್ಯೇಕವಾಗಿ ವ್ಯವಸ್ಥೆ ಇರಬೇಕು. 24#7 ಶುದ್ಧ ನೀರಿನ ಪೂರೈಕೆ ಹಾಗೂ ವಿದ್ಯುತ್ ಸರಬರಾಜು ಇರಬೇಕು. 15-20 ಶೌಚಾಲಯ ಮತ್ತು 10-15 ಸ್ನಾನದ ಕೊಠಡಿಗಳು ವಿದ್ಯಾರ್ಥಿಗಳಿಗೆ ಪ್ರತ್ಯೇಕವಾಗಿರಬೇಕು. ಸೋಲಾರ್ ವಾಟರ್ ಹೀಟರ್ ನೀರಿನ ವ್ಯವಸ್ಥೆ ಇರಬೇಕು. ಕಟ್ಟಡವು ಕಂಪೌಂಡ್ ಗೋಡೆ ಹೊಂದಿರಬೇಕು.
ಹೆಚ್ಚಿನ ಮಾಹಿತಿಗಾಗಿ ಹಾಗೂ ಜಿಲ್ಲಾ ಅಲ್ಪಸಂಖ್ಯಾತರ ಕಲ್ಯಾಣ ಅಧಿಕಾರಿಗಳ ಕಚೇರಿ, ಮೌಲಾನಾ ಆಝಾದ ಭವನ, ಸಾಧನಕೇರಿ ರಸ್ತೆ, ಸರ್ಕಾರಿ ಮುದ್ರಣಾಲಯ ಹತ್ತಿರ, ಧಾರವಾಡ-580008, ಕಚೇರಿ ದೂರವಾಣಿ ಸಂಖ್ಯೆ-0836-2971590, ಅರಿವು ಕೇಂದ್ರ-0836-2971132 ಕ್ಕೆ ಸಂಪರ್ಕಿಸಬಹುದೆಂದು ಅಲ್ಪಸಂಖ್ಯಾತರ ಕಲ್ಯಾಣ ಇಲಾಖೆಯ ಜಿಲ್ಲಾ ಅಧಿಕಾರಿಗಳು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.