ಕಾರವಾರ: ಇಲ್ಲಿನ ಕಾರವಾರ ವೈದ್ಯಕೀಯ ವಿಜ್ಞಾನ ಸಂಸ್ಥೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದ ಕೊರೊನಾ ಸೋಂಕಿತರ ಪೈಕಿ ಇಂದು ಆರು ಜನರು ಬಿಡುಗಡೆಯಾಗಿದ್ದಾರೆ.
ಕಾರವಾರ ಒಂದು 64ರ ಮಹಿಳೆ, ಹೊನ್ನಾವರ 10 ಬಾಲಕ , 65,61,35, ಮಹಿಳೆ ಹಾಗೂ ಹಳಿಯಾಳದ 34 ಮಹಿಳೆ ಸೋಮವಾರ ಬಿಡುಗಡೆಯಾಗಿದ್ದಾರೆ. ಬಿಡಗಡೆಯಾಗಿದ್ದಾರೆ. ಸದ್ಯ 32 ಜನರು ಚಿಕಿತ್ಸೆ ಪಡೆಯುತ್ತಿದ್ದು, ಎಲ್ಲರ ಆರೋಗ್ಯ ಸ್ಥಿತಿ ಸ್ಥಿರವಾಗಿದೆ ಎಂದು ಕಿಮ್ಸ್ ಡೈರೆಕ್ಟರ್ ಡಾ. ಗಜಾನನ ನಾಯಕ ತಿಳಿಸಿದ್ದಾರೆ.
ಜಿಲ್ಲೆಯಲ್ಲಿ ಮತ್ತೇ ಆರು ಜನರಲ್ಲಿ ಸೋಂಕು ದೃಢ
ಉತ್ತರ ಕನ್ನಡ ಜಿಲ್ಲೆಯಲ್ಲಿ ಇಂದು ಆರು ಜನರಲ್ಲಿ ಕೊರೊನಾ ಸೋಂಕು ದೃಢಪಟ್ಟಿದೆ. ಈ ಪೈಕಿ 60 ಮಹಿಳೆ, 75ರ ವೃದ್ಧ, 19ರ ಯುವತಿ, 13ರ ಬಾಲಕ, 25ರ ವ್ಯಕ್ತಿ, 50 ವ್ಯಕ್ತಿಯಲ್ಲಿ ಸೋಂಕು ಪತ್ತೆಯಾಗಿದೆ. ಇವರು ಮಹಾರಾಷ್ಟ್ರದ ಪ್ರವಾಸದ ಹಿನ್ನೆಲೆ ಹೊಂದಿದ್ದಾರೆ. ಆಯಾ ತಾಲೂಕಿನಲ್ಲಿ ಕ್ವಾರಂಟೈನ್ ಇದ್ದರು. ಸೋಂಕು ಪರೀಕ್ಷೆ ನಡೆಸಿದ್ದಾಗ ವರದಿ ಪಾಸಿಟಿವ್ ಬಂದಿದೆ. ಜಿಲ್ಲೆಯಲ್ಲಿ ಈವರೆಗೆ ಒಟ್ಟೂ 144 ಪ್ರಕರಣಗಳು ದಾಖಲಾಗಿದ್ದು 112 ಜನರು ಗುಣಮುಖರಾಗಿದ್ದಾರೆ. 32 ಪ್ರಕರಣಗಳು ಸಕ್ರಿಯವಾಗಿದೆ.