ಕೋಕೋಸ್ ನ್ಯೂಸಿಫೆರಾ ಎಂದು ಕರೆಯಲ್ಪಡುವ ಕಲ್ಪವೃಕ್ಷ ತೆಂಗಿನಕಾಯಿ, ತಾಳೆ ಜಾತಿಗೆ ಸೇರಿವೆ. ತೆಂಗಿನಕಾಯಿಗಳು ಪ್ರಪಂಚದಾದ್ಯಂತ ಉಷ್ಣವಲಯದ ಕರಾವಳಿ ಪ್ರದೇಶದಲ್ಲಿ ಕಂಡುಬರುತ್ತವೆ.
ತೆಂಗಿನ ಮರ ಭೂಮಿಯಿಂದ 25 ಮೀಟರ್ ವರೆಗೆ ಬೆಳೆಯುತ್ತದೆ. ಮತ್ತು ದೈತ್ಯ ಗರಿಗಳಂತಹ ಎಲೆಗಳನ್ನು ಹೊಂದಿರುತ್ತದೆ. ಇವುಗಳಲ್ಲಿ ಬೆಳೆಯುವ ಕಾಯಿಗಳು ದಪ್ಪವಾದ ನಾರಿನ ಸಿಪ್ಪೆಯನ್ನು ಹೊಂದಿರುತ್ತದೆ. ಕಾಯಿಯ ಒಳಗೆ ನೀರು ಮತ್ತು ಸಿಹಿಯಾದ ತೆಂಗಿನ ತುರಿಯನ್ನು ಒಳಗೊಂಡಿರುತ್ತದೆ.
ತೆಂಗಿನ ಮರಗಳ ಪ್ರತಿಯೊಂದು ಭಾಗವು ಬಹಳಷ್ಟು ಉಪಯುಕ್ತವಾಗಿದೆ, ತೆಂಗಿನಕಾಯಿಯಿಂದ ವಿವಿಧ ಖಾದ್ಯಗಳು, ತೆಂಗಿನ ಗರಿಗಳಿಂದ ಮನೆಗೆ ಉಪಯುಕ್ತವಾದ ಪೊರಕೆ ಹಾಗೂ ಮಕ್ಕಳ ವಿವಿಧ ಆಟಿಕೆಗಳನ್ನು ತಯಾರಿಸಬಹುದು.
ಹವಾಮಾನ
ತೆಂಗಿನ ಮರಗಳು ಸಮುದ್ರದ ಸಮೀಪದಲ್ಲಿ ಉತ್ತಮವಾಗಿ ಅಭಿವೃದ್ಧಿ ಹೊಂದುತ್ತದೆ. ಅಂತರ್ಜಲ ಪರಿಚಲನೆ ಮತ್ತು ಸಾಕಷ್ಟು ಮಳೆ ಇರುವ ಪ್ರದೇಶದಲ್ಲಿ ಬೆಳೆ ಉತ್ತಮವಾಗಿರುತ್ತದೆ.
ತೆಂಗಿನ ಕಾಯಿಗಳನ್ನು ಸಿಪ್ಪೆ ತೆಗೆಯದ ಮಾಗಿದ ಕಾಯಿಗಳ ಮೂಲಕ ಇವುಗಳನ್ನು ಬೆಳೆಯಲಾಗುತ್ತದೆ. ಒಟ್ಟಿಗೆ ಒಂದೇ ಕಡೆಗಳಲ್ಲಿ ಹಲವಾರು ಗಿಡಗಳನ್ನು ಮೊಳಕೆ ಬರಿಸಿ 4ರಿಂದ 10 ತಿಂಗಳುಗಳ ನಂತರ ಬೇಕಾದ ಕಡೆಗಳಿಗೆ ಸ್ಥಳಾಂತರಿಸಬೇಕು. ಇವುಗಳನ್ನು 8ರಿಂದ 10 ಅಡಿ ಅಂತರದಲ್ಲಿ ನೆಡಲಾಗುತ್ತದೆ.
ಸುಮಾರು 15 ವರ್ಷಗಳ ನಂತರ ಫಲ ಪಡೆಯಲು ತಯಾರಾಗುತ್ತದೆ. ಮತ್ತು ಮರಗಳು 50 ವರ್ಷ ವಯಸ್ಸಿನ ವರೆಗೆ ಇಳುವರಿ ಪಡೆಯಬಹುದು.
ತೆಂಗಿನಕಾಯಿಯಲ್ಲಿ ಕೊಬ್ಬಿನಾಂಶ ಹೆಚ್ಚಿರುತ್ತದೆ. ಈ ತೆಂಗಿನಕಾಯಿಯನ್ನು ಒಣಗಿಸಿ ತಾಜಾವಾಗಿ ತಿನ್ನಬಹುದಾಗಿದೆ. ಇದು ಒಣಗಿದ ನಂತರ ಕೊಪ್ಪರಿಗೆಯಾಗಿ ಬದಲಾಗುತ್ತದೆ. ಈ ಕೊಪ್ಪರಿಗೆಯಿಂದ ತೆಂಗಿನ ಎಣ್ಣೆತೆಗೆಯಲಾಗುತ್ತದೆ. ಜೊತೆಗೆ ತೆಂಗಿನ ತುರಿಯಿಂದ ಹಾಲನ್ನು ತೆಗೆದು ಅಡುಗೆಗೆ ಬಳಸಲಾಗುತ್ತದೆ.
