ನ್ಯೂಯಾರ್ಕ್: ಯುಎಸ್‌ನ ಮ್ಯಾಸಚೂಸೆಟ್ಸ್ ಇನ್‌ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿ (ಎಂಐಟಿ) ಯ ಸಂಶೋಧಕರು ಸ್ಕಿನ್‌ ಪ್ಯಾಚಸ್‌ ಮೂಲಕ ಲಸಿಕೆ ಪಡೆಯುವ ಸಾಧನ ಅಭಿವೃದ್ಧಿ ಪಡೆಸಿದ್ದು, ಭವಿಷ್ಯದಲ್ಲಿ ಇಂಜೆಕ್ಷನ್‌ ರಹಿತ ಚಿಕಿತ್ಸೆಗೆ ನಾಂದಿ ಹಾಡಲಿದೆ.
ಚೌಕ ಮಾದರಿಯಲ್ಲಿರುವ ಔಷಧವನ್ನು ಸ್ಕಿನ್‌ ಪ್ಯಾಚಸ್‌ ಮೂಲಕ ದೇಹಕ್ಕೆ ಸೇರಿಸುವ ಪ್ರಕ್ರಿಯೆ ಇದಾಗಿದ್ದು, ಸೂಜಿಗಳ ಅಗತ್ಯವಿಲ್ಲದೆ ಔಷಧ ಒದಗಿಸಬಹುದಾಗಿದೆ.
ಲಸಿಕೆಗಳನ್ನು ಶೈತ್ಯೀಕರಣಗೊಳಿಸುವ, ಸಂಗ್ರಹಿಸುವ, ತಾಪಮಾನ ನಿರ್ವಹಣೆ ಬಹುದೊಡ್ಡ ಸವಾಲು. ಆದರೆ ಈ ವಿಧಾನದಲ್ಲಿ ಅಂತಹ ಅಗತ್ಯವಿಲ್ಲ. ಸುಲಭವಾಗಿ ನಿರ್ವಹಣೆ, ಸಾಗಣೆ ಮಾಡಬಹುದಾಗಿದೆ. ಅಲ್ಲದೆ ಇಂಜೆಕ್ಷನ್‌ ನೀಡಲು ತರಬೇತಿ ಪಡೆದ ದಾದಿ, ವೈದ್ಯರ ಅಗತ್ಯವಿದೆ. ಆದರೆ ಈ ವಿಧಾನದಲ್ಲಿ ಅಂತಹ ಕ್ಲಿಷ್ಟಕರ ಸನ್ನಿವೇಶಗಳೇ ಇಲ್ಲ ಎನ್ನಲಾಗಿದೆ.
