ಅಬುಜಾ: ನೈಜೀರಿಯಾದಲ್ಲಿ ಕಳೆದ ವಾರದಲ್ಲಿ ನಾಲ್ಕು ಲಸ್ಸಾ ಜ್ವರ ಸಾವುಗಳು ದಾಖಲಾಗಿದ್ದು, ವರ್ಷದ ಆರಂಭದಿಂದ ಸಾವಿನ ಸಂಖ್ಯೆ 148 ಕ್ಕೆ ಏರಿದೆ ಎಂದು ಆರೋಗ್ಯ ಅಧಿಕಾರಿಗಳು ತಿಳಿಸಿದ್ದಾರೆ.
ವೈರಲ್ ಹೆಮರಾಜಿಕ್ ಜ್ವರವು ಇಲ್ಲಿಯವರೆಗೆ 25 ರಾಜ್ಯಗಳಿಗೆ ವ್ಯಾಪಿಸಿದೆ . ಒಟ್ಟು 846 ಪ್ರಕರಣ ಮತ್ತು 4,338 ಶಂಕಿತ ಪ್ರಕರಣ ದಾಖಲಾಗಿವೆ ಎಂದು ನೈಜೀರಿಯಾ ಸೆಂಟರ್ ಫಾರ್ ಡಿಸೀಸ್ ಕಂಟ್ರೋಲ್ (ಎನ್ಸಿಡಿಸಿ) ಗುರುವಾರ ಹೇಳಿದೆ.
ವಿಶ್ವ ಆರೋಗ್ಯ ಸಂಸ್ಥೆ ಪ್ರಕಾರ ಲಸ್ಸಾ ಜ್ವರವು ಲಸ್ಸಾ ವೈರಸ್ನಿಂದ ಉಂಟಾಗುತ್ತದೆ. ಸೋಂಕಿತ ಮಾಸ್ಟೊಮಿಸ್ ಇಲಿಗಳ ಮೂತ್ರ ಅಥವಾ ಮಲದಿಂದ ಕಲುಷಿತಗೊಂಡ ಆಹಾರ, ವಸ್ತುಗಳ ಮೂಲಕ ಸೋಂಕು ಹರಡುತ್ತದೆ. ಪಶ್ಚಿಮ ಆಫ್ರಿಕಾದ ಭಾಗಗಳಲ್ಲಿ ಈ ಸೋಂಕು ವಿಪರೀತವಾಗಿದೆ. ವೈರಸ್ಗೆ ಒಡ್ಡಿಕೊಂಡ ನಂತರ ಒಂದರಿಂದ ಮೂರು ವಾರಗಳ ನಡುವೆ ರೋಗ ಲಕ್ಷಣ ಕಾಣಿಸಿಕೊಳ್ಳುತ್ತದೆ. ಜ್ವರ, ಆಯಾಸ, ದೌರ್ಬಲ್ಯ ಮತ್ತು ತಲೆನೋವು ಇದರ ಲಕ್ಷಣಗಳು.